Sangano ReVatsvene Ndiro Rine Masimba Acho

China, 26 Chikumi 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Nokuti tinotaura mazano aMwari kana tiine vaya. Vayaruka pamweya. Kwete mazano enyika ino. Kana emachinda enyika ino. Iwo machinda aya ari kuparara (1 Vakorinde 2 ndima 6).

Kune mweya iri kuronga zvinoitika munyika yanhasi. Mweya yacho ndeyerima. Mweya iyi iri kuparadzwa. Asi Mwari havasi ivo vari kuiparadza vari kudenga. Vari kushandisa isu kuiparadza. Ivo vane masimba avakatipa. Isu tiri kushandisa masimba aya. Tiri kuashandisa kuparadza mweya iyi. Tisu zvombo zvaMwari. Tisu vavanoshandisa kurwa hondo dzavo panyika. Tisu tinoita kuti zvinofadza Mwari zviitike panyika. Takatopiwa masimba ekuita izvi.

Saka kuda ungataura pamusoro pekuipa kwezvinhu panyika. Ungataura pamusoro perima riri panyika. Taura semunhu anoziva zvinotaura Shoko raMwari. Shoko iri rinoti masimba ose aya akaparadzwa. Mukuru wacho ndiye ari mauri. Mukuru wacho ane masimba. Masimba ake anodarika masimba enyika ino. Ino inguva yeSangano reVatsvene. Sangano iri ndiro rine masimba ose. Ndiro riri kutonga.

Ishe Jesu ndivo vakatipa masimba aya. Ivo vakataura muna Matiyo 28 ndima 18 kusvika 20 vachiti, Masimba ose akapiwa kwandiri. Saka ndini ndava kutonga kudenga. Ndini zvekare ndava kutonga panyika pano. Saka endai henyu. Dzidzisai marudzi ose. Muvapinze muzita raBaba. Rinova zita reMwanakomana, nero Mweya Mutsvene. Muvadzidzise kuita zvose zvandakakurairai imi. Ini ndichange ndiinemi. Kose kwamuchaenda. Kusvikira nyika ino yaguma.

Isu tine masimba atakapiwa. Takaapiwa nemuridzi wemasimba ose. Iye muridzi wemasimba ekudenga. Nemasimba epanyika pano. Tava kuzikanwa nezita rake. Saka tinomira saiye. Tichidzikamisa zvinhu zvenyika ino. Tichiita kuti zvinofadza Mwari zviitike panyika pano. Tingataura mashoko. Mashoko acho anobva aita seataurwa naMweya vaMwari. Saka anotonga hupenyu hwevanhu. Achitonga munyika dzepasi pano. Mwari ngavaropafadzwe! Vatsvene vacharamba vachitonga. Vachatonga kusvika vabvutwa panyika pano. Vachikurira muvengi. Vachikurira mabasa emuvengi. Isaya yepfumbamwe ndima yenomwe inoti, Umambo hwake hucharamba huchingoenderera mberi; huine rugare rusina mugumo; ari pachigaro chaDhavhidhi paumambo hwake kuti hudzike midzi nokuhutsigisa noruenzaniso noururami kubvira zvino kusvikira narini wose. Tenzi wehondo nehondo neshungu dzake achatozviita izvozvo. Hareruya!

Namata Uchiti
Baba vandinoda. Ndinokutendai. Shoko renyu rinondipa mazano. Uye imi makapa Vatsvene venyu simba. Iri isimba rekuita kuti zvinofadza Mwari zviitike panyika. Uye kuti kururama kwenyu kuve panyika. Mazano evanhu anoparadzwa nesimba raMweya Mutsvene. Rima renyika ino rinoparadzwa nesimba raMweya Mutsvene. Shoko renyu rinokurira zvose panyika pano. Muzita raJesu. ameni.

Dzimwe Ndima Dzinotsigira Chidzidzo ChaNhasi
Jeremiya 51 ndima 20
1 Johane 4 ndima 4
Ruka 10 ndima 19

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church