Ndinopona Muna Kristu Jesu

Mugubera, 4 Chivabvu 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

“Ndizvo kudai mwakamuswa pamwepo naKristu, tsvakai zviro zviri padera, apo pana Kristu, akagara ngokumuryo kwaMwari. Emesai mipinimidzo yenyu kunezviro zviri padera, haiwa kuzviro zviri munyika, ngokuti imwimwi mwakafa, nokurarama kwenyu kwakafishwa pamwepo naKristu munaMwari.” (VaKhorose 3 ndima 1 kuguma 3).

Ndine mabhuku endakamboerenga. Mabhuku aya aiya akawanda. Aikurudzira kuti tinosisira kutanga tauraya zvishuwo zvenyama yedu. Ndikwo kuti tidakadze Mwari. Inini ndaiya ndichiri mudoodori. Ndaiya ndine shungu dzokudakadza Mwari. Ndechivashandira. Ndizvo ndaizvambarara pamubhedha. Ndechikumbira. Ndeiti, “Mambo. Ndinoda kukona kukudakadzai. Ndizvo itai kuti zvishuwo zvomuiri wangu wenyama zvife”. Ndaigara ndeikumbira ndechidaro. Ndipo pendakazoshongana navaKhorose yechitatu.

Inini ndaiya ndazvifundisa kutora Izwi raMwari sezvariri. Ndechingoita semwana mudoodori. Saka ndakaerenga vaKhorose iyi. Ndakaerenga ndima mbiri dzokutanga dzakhona. Dzinotipanga kuti shungu dzedu dzive pazviro zviri mudenga. Haiwa zviro zviri munyika muno. Izvi zviro zvendaikona kuita. Asi ndima inoteera yakhona ndiyo yakandishamisa. Inoti, “Ngokuti imwimwi mwakafa …”.

Izvi zvakabva zvatsandura kupona kwangu. Ndakabva ndazoerenga vaGaratia 5 ndima 24. Inoti, “Naavo vari vaKristu Jesu vakakohomera nyama pamwepo nokudisisa nokuemura kwayo”. Ndakadakara yaamho kuzia izvi. Ndizvo ndakabva ndaenda kushamwari dzangu. Ndikadziti, “Onaiwo zvendaona! Atichasisiri kuuraya zvishuwo zvemiiri yedu yenyama. Zvishuwo izvi zvakatofa karetu. Miiri yedu yenyama yakatokohomerwa pamuchinjiko. Taa nokupona kutsva. Taa vengazi yaKristu Jesu”. Hareruya!

VaRoma 6 ndima 11 yakabva yajekesa zveshe. Inoti, “Ndizvo ngokudaro mwechidzierenga nemwi kuti muri vakafa kuzvishaishi, asi kuti munopona kunaMwari munaKristu Jesu”. Zvishaishi zvaa kutiona sevanhu vakafa. Asi Mwari ndivo vaa kutiona sevanopona. Kuronza kuti waa kukona kushandira Mwari. Uchivashandira wakadakara. Usina chounotya. Waa kukona kurarama kupona kunovadakadza.

Pupura Weiti
Inini ndakagara pamwepo naKristu. Ndau yetakagara yakhona ndiyo inogara vanhu vane masimba eshe. Vona vaya vanotonga. Ndaa kupona ndiri pakakwirira. Ndaa munaKristu Jesu. Ndizvo ndinotonga zviro zvokupona kuno. Ndinopona mumweya. Ndizvo kupona kwangu inongoa minana yega yega. Shungu dzangu dzinongoa dzokudakadza Kristu. Ndine nyika yendaa kupona mweiri. Nyika iyi ngeyemweya. Zviro zvomunyika iyi ndizvo zvendaa kushingairira. Mwari ngavakudzwe saMwari.

Dzimweni Ndima Dzinotsinhira Kufunda KwaNyamashi:
VaEfeso 2 ndima 1
Vagaratiya 2 ndima 20
Vakorose 3 ndima 1 kusvika 4

(Zvetafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church