Ndiwe Mhatso Yevanogara

Chitatu, 8 Chivabvu 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

“Amuzii ere kuti muiri wenyu ithemperi roMweya Wakachena uri mukati mwenyu, womwakaashira kubva. kunaMwari, nemwi amuchiri venyu akadi?” (1 VaKhorinte 6 ndima 19)

Vana vaIsuraeri vaihamba vakatwara Mwari. Izvi ndizvo zvevaiita muChitenderano cheKaretu. Mwari ava vaiya vari muTende roKukumbirira. Mutende umwu ndimwo mwaiyawo neBhokisi reChitenderano.

Asi muBhokisi umwu mwaiya musina zviro zvakawanda. Mwaingoia nemarusamba ega. Ona aya aiya akanyorwa Mipango yaMwari. Marusamba akhona aiya ari mairi. Izvi ndizvo zvetinoziiswa ngeBhaibheri. Tinozvierenga muna 1 Madzimambo 8 ndima 9. Inoti, “Mwaiya musina chiro mubhokisi rechitenderano kwega marusamba mairi emapuwe, akaiswamwo ndiMosi muHorebhi, apo Mambo Mwari paakaita chitenderano navana vaIsuraeri, apo pavakabuda kubva munyika yeEgipite”.

Isusu taa muChitenderano Chitsva. Mwoyo wako ndiwo waa Bhokisi raMwari uyu. Mwouri ndimwo mune Izwi raMwari. Karakadza mazwi akamboereketwa ndiMwari. Tinoaerenga muna Jeremia 31 ndima 33. Inoti, “Asi ichi ndicho chitenderano chendinozoita nemhatso yaIsuraeri, ngesure kweawo mazuva, unoronza Mambo Mwari; ‘Ndizoisa mupango wangu mukati mwavo, nokuunyora mumwoyo mwavo, neni ndinozoita Mwari wavo, navo vanozoita vanhu vangu”. Izvi ndizvo zvakaitika kwetiri isusu. Zvakaitika paya petakabarwa kechipiri.

Apapo ndipo petakabarwa ngeIzwi raMwari. Tikaa vanhu vedzinza reIzwi raMwari. Ndizvo taa Izwi raMwari. Taa tsamba. Yona tsamba “Nemwi munoonisa kuti muri tsamba yaKristu, yakashandwa tisu, isikazi kunyorwa ngeinki, asi ndiMweya waMwari unopona, isikazi kunyorwa pamarusamba emapuwe, asi pamarusamba omwoyo yenyama.”. Izvi ndizvo zvetinoziiswa muna 2 vaKhorinte 3 ndima 3. Mwari ngavakudzwe.

Ndizvo waa Bhokisi raMwari. Waa mhatso inogara Mwari. Izvi ndizvo zvetinoziiswa muna 2 VaKhorinte 6 ndima 16. Inoti, “… Ngokuti isusu tiri temperi raMwari unopona; kudai ngezvaakaronza Mwari kuti, “Ndinozogara pakati pavo, nokuhamba pakati pavo; neni ndinozoita Mwari wavo, navo vanozoita vanhu vangu”. Ndizvo Mwari vaa kugara mwouri. Nyara dzavo dzaa nyara dzako. Mirenje yavo yaa mirenje yako. Vaa kuhamba vari mwouri. Vechishandisa muromo wako kuereketa.

Saka ukaenda kumweni kunhu, Mwari vanotoendayo newe. Iwewe uri mwevari. Vona vari mwouri. Auchangogari uri panaMwari. Waa kutohamba wakavatwara. Ndizvo ukaguma pandau. Mwari vanenge vatogumawo pandau iyi. Ndiyo ndaa vaKhorose 1 ndima 27 ichiti, “Ndiye Kristu mukati mwenyu….”

Kumbira Weiti
Baba vendinoda. Ndinomubonga. Ndaa munhu weVamwari. Uyezve mwakaita kuti mwoyo wangu uitewo musha womunogara. Mweya Wakachena vanogara mumwoyo mwangu. Ndimwo mwevanoshandira mishando yavo vari. Mweya Wakachena ava vanotoa Mwari pachezvavo. Ndizvo vanhu vanoona Mwari pakupona kwangu. Sathani aachina ndau mukupona kwangu. Zviro zvechidima azvichina ndau mukupona kwangu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Vakorose 1 ndima 26 kusvika 27
Varoma 8 ndima 10
Johane 14 ndima 16 kusvika 17

(Zvetafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church