Kukumbira NgeNdimi Kunoita Kuti Upenye

China, 9 Chivabvu 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

“Ringirai kwaari mujekiswe; ndizvo hope dzavo adzizotsverudzwi mhera nariini” (Nduyo 34 ndima 5).

Wakambobuda pabanze usiku ere? Uchiringira nyeredzi mudenga? Nyeredzi idzi dzinenge dzechiemurika zvakanyanya. Asi izvi ndizvo zvinoitikawo mumweya. Pane nyeredzi dzinoonekwawo munyika. Dzinoonekwa mumweya. Nyeredzi dzakhona tisu. Isusu vana vaMwari.

Izvi ndizvo zvetinoziiswa ngeBhaibheri. Tinozvierenga muna vaFiripi 2 ndima 15. Inoti, “Kuti muite vasina chevanoitirwa ndaa, vakarurama, muri vana vaMwari musina ndaa pakati pomubarirwana wakashongoroka nowakapauka, mujeke pakati pavo kudai ngenyeredzi dzinojeka padera penyika”. Makristu eshe inyeredzi. Asi vanopenya zvakasiyana. Vamweni vedu tinopenya zvakajeka. Asi vamweni vanopenya zvishoma.

Bhaibheri rine zverinotironzera ngepadera paJesu. Tinozvierenga muna Ruka 9 ndima 29. Inoti, “Echikumbira, kuoneka kwehope yake kwakatsandudzwa, nezvokusimira zvake zvakachena zvechin’anikira”. Kukumbira kune zvekunoita mumweya yedu. Kunoita kuti mweya yedu ipenye.

Iwewe ungagara uchikumbira. Uchikumbira kudaro mumweya. Unenge uri kutotsandurwa chiemo. Uchitutsira kutodzana naMwari. Madziso evanhu angasaa anoona zviri mumweya. Ndizvo angasaona kupenya kwako uku. Asi kunenge kuripo. Ndiyo ndaa techikurudzira vanhu kukumbira ngendimi zvakanyanya.

Unosisira kugara uchikumbira ngendimi. Mwari vanozoonekwa mukupona kwako. Mweya wako unozogara uchikuchidzirwa. Simba raMwari rechiitwa kuti rishande. Rona simba raMwari riya riri mumweya mwako.

Mambo Jesu vane mazwi evakamboereketa. Tinoaerenga muna Mateu 5 ndima 16. Inoti, “Saizvozvo chiedza chenyu ngachivhenekere …”. Kujeka kwako kunosisira kuonekwa ngevanhu. Vanhu vanosisira kuweona kupenya kwako. Asi iwewe ndiwe unoita kuti vanhu vaone kupenya uku. Izvi ndizvo zvetinoona mundima iyi. Saka unosisira kunyanya kukumbira mumweya. Kujeka kwako kunozowandawo. Zvechizoita kuti ukone kuita mishando yaMwari ngomwazvo. Uchizogarawo uri mutano. Wakagwinya. Hareruya!

Kumbira Weiti
Baba vendinoda. Ndinomubonga. Mwakandipa Mweya Wakachena. Mwakaitawo kuti ndikone kukumbira ngendimi. Ndinokumbira ngendimi nyamashi. Ndizvo kujeka kwangu kunopenya. Kuchivhenekera kweshe kweshe. Vanhu vechiona runako rwenyu pendiri. Vechiona kupfaa kwenyu pendiri. Vechiona nyasha dzenyu pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 12 ndima 11 AMP
Ruka 9 ndima 28 kusvika 29 AMPC
Mateo 17 ndima 1 kusvika 3

(Zvetafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church