Chitaridzo CheKunaka Kwavo

Chitatu,, 24 Kubvumbi 2024

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Mbavha inouya kuzongoba. Kuuraya. Nokuparadza. Ini ndakauya kuti muve nehupenyu. Muve nehwakakwana. Muchinakirwa nahwo (Johane 10 ndima 10).

Jesu vakauya kuti tive nehupenyu. Tigonakirwa nahwo. Izvi ndizvo zvakataurwa naJesu. Izvozvo zvinofanira kukufadza chose. Jesu vakararama panyika pano. Vakafa. Vakazomuka. Saka vapenyu nhasi. Vari kuvona kuti hapana anokubira zvavakakugadzirira.

Ivo vane mamwe mashoko avakataura. Tinomaverenga muna 3 Johane 1 ndima 2. Inoti, Hama yangu. Ndinoshuva kuti ubudirire. Budirira sekubudirira kuri kuita mweya wako. Uye uve nehutano hwakanaka. Ndizvo zvandinokushuvira kudarika zvimwe zvose. Johane ndiye akanyora ndima iyi. Anotsanangura kufuma kwechokwadi. Kufuma uku kunovonekwa mumweya wemunhu. Kunovonekwa pafuma yaanayo. Kunovonekwavo muhutano hwake.

Mwari vanoziva kuti unofanira kuva mutano. Zvisizvo haunganakirwi nehupenyu hwavakakupa. Ndiko kusaka vakatituma kuporesa varwere. Kuporesa varwere kunotaridza kunaka kwavo. Izvi ndizvo zvatinovona muna Mabasa 10 ndima 38. Inoti, Iro Shoko raJesu weNazareta. Iye akapiwa zita raMwari. Mwari vakamupa Mweya Mutsvene. Nesimba. Akapota nyika yose achiita mabasa akanaka. Achiporesa vanhu vose vakanga vakasungwa nadhiyabhori. Nokuti Mwari vakanga vanaye.

Mwari vakatuma Jesu. Jesu vakabva vapota nenyika. Vachiita zvakanaka. Vachiporesa vanhu. Ivo vaya vakanga vakasungwa naSatani. Basa iri ndiro ravakatipavo isu. Izvi ndizvo zvatinoziviswa neBhaibheri. Tinozviverenga muna Matiyo 10 ndima 8. Inoti, Poresai vanorwara. Mutsai vakafa. Natsai vane maperembudzi. Dzingai mweya yakaipa. Makangopiwa henyu. Chingopaivo henyu.

Ruka 9 ndima 2 inotauravo zvakaitwa nevadzidzi vaJesu. Inoti, Jesu vakabva vavatuma. Vakavatuma kunozivisa vanhu nezvehushe hwaMwari. Vakavatumavo kunoporesa varwere. Hareruya! Funga pamusoro paPita naJohane. Vaviri ava vakanga vari pasuwo reImba yaMwari. Suwo racho rainzi Wakanaka. Vakasangana nemumwe murume ipapo. Murume uyu akanga akaremara. Akanga akatozvarwa akaremara kudai. Aigara pasuwo iri achipemha. Mabasa 3 ndima 6 inotaura zvakaitika ipapo. Inoti, Asi Pita akabva ataura kwaari. Akati, Ini handina sirivheri. Handina ndarama. Asi ndine chimwe chandinacho. Ndicho chandichakupa. Ndine zita raJesu weNazareta. Ndinomira muzita iri. Ndichikuraira kuti usimuke. Ufambe.

Murume uyu akabva aporeswa. Akaporeswa pakare ipapo. Akabva abatana naPita naJohane. Akapinda navo muImba yaMwari. Akanga achirumbidza Mwari. Vanhu vakamuona. Vakashamiswa nekuporeswa kwake. Asi vakavona kunaka kwaMwari maari. Mwari havadi kuti vanhu varware. Havadi kuti vanhu vange vasina simba. Havadi kuti vanhu vange vakasuwa. Ndiko kusaka vakatituma kunyika. Vanoda kuti tiporese vanhu pasi rose. Hareruya!

Pupura Uchiti
Ini ndiri muna Muponesi Jesu. Ndinokurira zvinhu zvenyika ino. Ndinogara ndichikunda muhupenyu. Saka Satani haana chake mandiri. Ndava munhu werudzi rweVamwari. Ndakashanduka ropa. Vanhu veropa rangu havabati zvirwere. Muzita raJesu. Ameni.

Dzimwe Ndima Dzinotsigira Chidzidzo ChaNhasi
Vahebheru 2 ndima 14 kusvika 15
Matiyo 10 ndima 7 kusvika 8
1 Johane 3 ndima 8

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church