Kusumudzwa Kwemawoko Asu

Svondo, 21 Kubvumbi 2024

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

"Munamato wangu ngawuwe pamberi panu tsezvingonhuhwira, kusimudzwa kwemawoko angu tseshipiriso shemanheru. (Mapisaremas 141 ndima 2).

Mumagwaro mune mudowanda mungotawura ngezvekukosha ngemakomborero ekusumudza kwemawoko asu. Mapisarema 134 ndima 1 kusvika 2 ingot, Ringani,rumbidzani Jehovha ....... Sumudzani mawoko anu kunzvimbo tsvene,murumbidze Jehovha. Patingosumudza mawoko asu, makomborero angoburitswa,simba raMwari ringowerera ngemumawoko asu.

Pane pandidombopinda mumusongano udonga une wanhu wadowanda wadonga wane hosha yemajoyini. Wadowanda wacho wadonga wasingakwanisi kusumudza mawoko awoba. Ndidobvunza Mwari ndikati,"Ngenyi tine wanhu wadoshare wadowanda?"

Mhinduro yaMwari kwandiri ingonakidza. Wadoti, Ndidoti muSoko rangu Sumudzani mawoko anu mundirumbidze, kusumudza mawoko pakundirumbidza kungoyita kuti mutsabatwe ngehosha yemajoyini iyiba. Wadowanda hawazviziwiba izvezvo.

Wadobva wati, Dayi wanhu awa wanga warunamata, wayishumira ngekurumbidza wadosumudza mawoko awo,tsezvingotawurwa ngemagwaro,hawambokonzwi ngehosha yemajoyiniba. Zviro zvatingotawurirwa ndiMwari kuti tiyite zvingobatsira ifefe,ngezvemakomborero asu. Tsekusumudza kwemawoko asu. Nguwa dzidowanda pawungonamata,sumudza mawoko ako.

Kusumudza mawoko ako kuna Mwari mhucherechedzo wenyasha ngekubwinya kwashe muhupenyu hwako. Tondera mufananidzo weshipiriso shemanheru shayipirwa paatari yendarira. Zvatumiririrwa ngekusumudzwa kwemawoko asu. Saka ukasumudza mawoko ako pakushumira kana kunamata,zvingofadza Mwari kudarika mikono ngembudzi izvo zvayipirwa paatari yendarira muSungano yekara.

Dhavhidhi ayiziwa maningi zvebasa rehupirisita mutabhenekari yekara. Adonga ariwo muporofita waMwari. NgeMwiya,adoziwa zveSungano Itsva ayibva awona kuti kusumudzwa kwemawoko asu nyamusi ndiko kudotora nzvimbo yeshipiriso shingopiswa muSungano yeKara.

Muna 1 Timoti 2 ndima 8, Bhayibheri ringoti, Zvino ndingoda kuti wamuna wanamate panzvimbo dzetse,wayisumudza mawoko awo angoyera, wasina kutsamwaba kana kusagutsikanaba.Apa Pauro adonga arutawura kunamata kwepamwiya ngekupa shipiriso sherumbidzo kuna Baba ngemwoyo une mufaro,udozara rudo ngekutenda. Kana zvinozvi,sumudza mawoko ako urumbidze Mwari ngerudo rwashe,tsitsi ngenyasha; mhutawurire madiro awungomuyita.

Munamato

Baba wangoyera,ndingosumudza mawoko angu ndiyikukudzani ngekukurumbidzani pahukuru hwanu, ngekuti ndimwi mwega Mwari adofanira kudiwa. Hakuna una adoyita tsemweba; muri mukuru. Kumadzinza etse hamutsandukiba,mudotendeka,mudorurama,mungoyera,mudochena muri wedi. Ndingokudani Tenzi!

Dzina Ndima Dzingotsinhira Shidzidzo Shenyamusi:
1 Madzimambo 8 ndima 22 kusvika 23
Mariro 3 ndima 41
Mapisarema 63 ndima 4 ESV
Ruka 24 ndima 50

(Shidzidzo ishi shatorwa kubva mu:
Rhapsody of Realities (Manyika)
Rinonyorwa ndi:
Mufudzi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvina zvidzidzo mungozviwona pa: https://bit.ly/Shona_Church