Chikunda English Hwesa Manyika Ndau Ndebele Shona 



INZILA YOKULALAMA YAKRISTU

Friday, 29 May 2020

"Musukwelaniswe nenyika yeno; Koga mushandulwe mukulangalila kwenu kunoshandulwa, kuti mukweje muzibe kuda kwaMwali kubuya, kunoshantisa, kulokhwana" (BaRoma 12 ndima 2).

Isu tiMaKristu. Tinenzila yedu yokulalama. Yeji iinzila yokulalama yaKristu. Kuna banji kunsondo. Banonda nenzila jabo . Banobatola yozu munyika. Koga ndijo ibanobeda kuti itobelwe munsondo. Zwakalezo azutoba zubhodo. Zunodiwa noMpepo Nchena ndizo zwaunokwelela kutobela. Tozuwana muWhalo. Yozu ndizo zwatikumutondejwa mundima yatazhula nayo. Inoti tokwelela kushanduka. Nokudalo unyeyelo wedu unokwelela kushandulwa. Zunoleba kuti tokwelela kufunda inzila yobupenyu Imphya. IWhi lyaMwali ndilyo linoti layija yozu.

Shingisa IWhi lyaMwali. Lishingise kukusha maano awo. Unopejeleja waba nenzila imphya inobeli muBushe bwaMwali. Imwe inzila yokukuja banhu bose nokulemekeja banhu bose. Atitokwelela kulemekeja banojikana chete . Tokwelela kukuja banhu bose. Yozu ndizo zwatinolayijwa muna BaRoma 12 ndima 10. Inoti, "Ibani noludo lukulwana samakamu anodanana. Umwe noumwe wenu ngekuje umwe kupinda kuzukuja kwaanozuta iye". Jesu bana imwe inzila yabanotilayija kabili. Toyibala muna Mateo 5 ndima 44. Ndima inoti, "Koga imi ndinoti kwamuli: Idani babengi benu, mubamatile banomushungulujani". Yeyi ndiyo inzila yoBushe bwaMwali. Ilosiyana nenzila jenyika yeno.

Mateo 5 ndima 42 inoti, "Unokumbila kwawuli umpe, bhancha unoda kucheneka kwawuli". Ludo inzila yedu yokulalama . Unhu angabuya kwatili. Angapota kucheneka chinhu. Toumbhancha. Atina watinolingila pasi.Atina watinobona sofana ajilokosha. Ndiwo unlalamilo wakabeta Jesu. Feno, Jesu yaba ndibo batinookwelela kutobeleja. Nokudalo muna Kristu muna mulawu wipi. Zufundise inzila yeyi. Inzila yoludo. Nokuba nobunyolo nokulekelela pamwemphela nokululama.

Namata uti

Dade balokosha. Ndotambula IWhi lyenu. Ndolivumila kushinga mubupenyu bwangu. Ndovumila kuti Mpepo wenu ushinge mwandili. Nokudalo, ndinabupenyu bwaKristu. Ndotobeleja inzila yokulalama yaKristu. Ndiyo yandinoshingisa pakulalama kwangu penyika. Nokudalo, ndoda banhu. Ndota zunhu zunoshantisa. Ndogala ndizunda. Ndotonga zunhu zwenyika yeno. Ndishe. Ndobala iWhi lyenu. Nokudalo maano angu anoshandulwa. . Nokudalo, ndolalama sonhu waba muna Kristu.ndoyeya sonhu waba muna Kristu. Kululama kwenu kunoboneka pandili. Muzina lyaJesu. Ameni.

Amwe MaWhi Anozhajikija Chilayijwa Chanasi

Phlippians 2:5

2 Peter 1:5-8

(This article was culled from:

Rhapsody of Realities (Nambya)

Authored By,

Pastor Chris Oyakhilome DSc DD.

You can download it on: https://bit.ly/rorlanguages

You can get more teachings on: https://bit.ly/shonachurch

If you would like it for other people to receive these messages, you are free to send money on Ecocash using the following shortcode: *151*2*5*58225# God Bless You!