Tiri MuKujeka Kwavo Kunoshamisa

China, 7 Kurume 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

"Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa" (1 Petro 2 ndima 9).

Mwari vangaita chiro. Chiro ichi chinenge chine kwachakananga. Apana chinenge chisina kwechakananga. Uyezve zvechakananga zvakhona zvinenge zvechidakadza. Mwari avasiiri zviro panjira. Tinoona izvi mundima yetabeura ndiyo. Inoti Mwari vakatidusa muchidima. Avazi kubva vagumira apapo. Vakabva vatiisa mukujeka kwavo. Kujeka uku kunoshamisa yaamho.

Izvi zvinotikarakadzisa Dhutoronomi 6 ndima 23. Inoti, "Wakatibudisa kubvemwo, kuti atiunze, kutipinza munyika yaakapika kunemadzibaba edu". Mwari ava ndivo vakatibudisa muchidima. Vakabva vatipinza mukujeka kwavo. Ukwokwo kujeka kunoshamisa yaamho. Ndizvo atisiri munjira kuenda kune kujeka uku.

VaKhorose 1 ndima 13 inoronza zvimwezve izvi. Inoti, "Uwo wakatinunura kubva kusimba rechidima, wakatiisa muumambo hwoMukororo wake unodikanwa". Ndizvo atichisiri muchidima. Atichisiri mundau inotongwa ngechidima. Taa munyika inotongwa ngoMukororo waMwari. Ena Mukororo uya wevanodakarira. Izvi ndizvo zvetiri kuziiswa mundima iyi. Munyika iyi ndimwo mwewaa kugara. Hareruya!

Dhutoronomi 6 ndima 23 yati, "Wakatibudisa kubvemwo, kuti atiunze, kutipinza munyika yaakapika kunemadzibaba edu". MuEgipite ndimwo mwevaiya vavabudisa. Mwari vakaronza ngepadera peEgipite. Vanenge vari kuronza nyika ino. Vanenge vari kuronza chidima. Hino vona vakatibudisa muchidima. Kuronza kuti vakatibudisa munyika ino. Chinangwa chavo chaiya chiri chokutipinza mune imweni nyika. Iyi inyika iya yevanotonga vona. Ndizvo vaiya vasiri kungotsvaka kutibudisa muchidima zvega. Isusu tingabudiswa hedu muchidima. Atisisiri kubva tatodakarira izvozvo. Tinosisira kubva tapinda mukujeka kwavo. Izvozvo ndizvo zvetinosisira kudakarira.

Izvi zvinotikarakadzisawo mazwi akamboereketwa ndiMambo. Vaiya vari kuaronza kuna Phauri. Tinoaerenga munaZvakaitwa 26 ndima 18. Inoti, "Kubeura madziso avo nokuvatenderudza kuti vabve muchidima, vapotere mukujeka, nokubva kusimba raSathani kuuya kunaMwari. "". Tinoonazve mashandiro aMwari mundima iyi. Vanodusa kubva muchidima. Vobva vapinza mukujeka. Vanodusa munyika inotongwa ndiSathani. Vechibva vaunza kunaMwari. Izvi ndizvo zvevakatotiita. Iwewe wakatoduswa kubva muchidima. Waa mukujeka kwavo. Kwona kujeka kuya kunoshamisa. Kujeka uku kunodzinga chidima.

Kumbira Weiti
Kupona kwangu kwaa kweVamwari. Ndaa kugara munyika inotongwa ngoMukororo waMwari. Ndizvo ndinodakara yaamho. Ndaa mukujeka kwavo. Ndichatonga nokusikaperi. Ndakagara pamwepo naKristu. Ndaa kutonga pamwepo navo. Ndinopenya. Ndechitonga saMwari. Mwari vakandiitira Nyasha. Vakandipa kururama kwavo. Ndiyo ndaa ndechitonga kudaro. Ndaa kurarama kupona kweVamwari. Ndinogara ndechinyisa. Ndinobudirira pane zveshe zvendinoita. Ndakapfuma. Ndakafumiswa. Hareruya!

Dzimweni Ndima Dzinotsinhira Kufunda KwaNyamashi:
VaKhorose 3 ndima 1 kuguma 3 (AMPC)
VaEfesu 2 ndima 6 (AMPC)

(Zvetafundiswa izvi zvatorwa kubva mu:
Rhapsody of Realities (Manyika)
Rinonyorwa ndi:
Mufundisi Chris Oyakhilome DSc DD.
Mungoriwona pa:https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church