Zviro Zvomunyika Muno Azvikoni Kutishaishidza

Muvhuro, 18 Kurume 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

"Kudai mwakafa pamwepo naKristu kubva kuzvidzidziso zvokutanga zvenyika, munodzipfaisa ngenyi kungwarira zviemeso, kudai ngevachapona ngezvomunyika?" (VaKhorose 2 ndima 20).

Iwewe ungaa wakabarwa kechipiri. Izvi zvinoronza kuti auchisiri wenyika ino. Waa womudenga. VaKhorose 3 ndima 1 kuguma 2 inojekesa izvi. Inoti, "Ndizvo kudai mwakamuswa pamwepo naKristu, tsvakai zviro zviri padera, apo pana Kristu, akagara ngokumuryo kwaMwari. Emesai mipinimidzo yenyu kunezviro zviri padera, haiwa kuzviro zviri munyika".

Mipinimidzo yako inosisira kua pazviro zvomudenga. Aisisiri kunge iri pazviro zvomunyika muno. Izvi ndizvo zvinoshuwirwa ndiMwari. Asi ngendaa yei vechikushuwira izvi? Indaa yokuti auchisiri womunyika yepashi pano. Waa womunyika yomudenga. Ndikwo kwewaa kupona uri. Saka zviro zvomunyika muno azvichakoni kukushaishidza. Ndima yetabeura ndiyo yati, "" Kudai mwakafa pamwepo naKristu kubva kuzvidzidziso zvokutanga zvenyika, munodzipfaisa ngenyi kungwarira zviemeso, kudai ngevachapona ngezvomunyika?".

Iwewe waa mugari womudenga. Ndizvo mipinimidzo yako inosisira kugara iri pazviro zvomudenga. Zviro izvi ndizvo zvinosisira kugara zviri mumipinimidzo yako. Tonga zviro zvomunyika muno. Iwewe waa unopona. Wakamuswa pamwepo naKristu. Izvi ndizvo zvinoronza Bhaibheri. Wakagara pamwepo naKristu. Ndau yewakagara yakhona iri kumatenga. Izvi ndizvo zvetinoziiswa munavaEfesu 2 ndima 5 kuguma 6. Mudenga ndimwo mwaa mwako. Ndimwo mwewaa kupona uri. Ndimwo mwewaa kushandira.

Waa munaKristu. Umwomwo ndimwo mwewaa kugara. Mundau iyi mwakasiyana nomunyika muno. Zviro zveshe zvirimwo ngezveVamwari. Vanhu vanogaramwo vanotonga zviro zvomunyika muno. Apana chisikashandi mundau iyi. Apana chisina simba. Amuna zvirwere. Amuna urombo mundau iyi. Amuna zviro zvakashata mweiri. Mweya Wakachena ndizvo izvi zvevanoda kuti uzwisise. Ndizvo zvetaona mundima yetabeura ndiyo. Hareruya!

Kumbira Weiti
Baba vomudenga vendinoda. Ndinomubonga. Mwakandiita mugari womunyika yomudenga. Ndechipona ngemipango yomudenga. Ndaa kugara munaKristu. Iyi indau yeVamwari. Indau yokururama. Indau yokupona. Apana chinofa mundau iyi. Indau ine kudakara. Ine utano hwakanaka. Ine kunyarara. Ine pfuma yakawanda. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaFiripi 3 ndima 20 kuguma 21 (NET)
VaRoma 8 ndima 1
VaRoma 8 ndima 6

(Zvetafundiswa izvi zvatorwa kubva mu:
Rhapsody of Realities (Manyika)
Rinonyorwa ndi:
Mufundisi Chris Oyakhilome DSc DD.
Mungoriwona pa:https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church