Kubva MuJerusarema Kuguma Kunyika Dzeshe

Chishanu, 22 Kurume 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

"Naye wakati kwavari, "Kwakanyorwa kudai, Kristu unozotambudzwa nokumukazve kubva kwevakafa ngezuwa rechitatu, nokutizve kutenderuka nokurekererwa kwezvishaishi kunosisira kuchumairwa ngezina rake kunemadzinza eshe, kutanga muJerusarema" (Ruka 24 ndima 46 kuguma 47)

Kune vanofundisa zvokunyepa. Vechiti Chikristu ngechemaJudha ega. Asi izvi azvisirizvo. Ndizvo zvetinoona mumazwi etabeura ndiwo ayo. Mambo Jesu ndivo vakaronza mazwi aya. Vakati, "" kunosisira kuchumairwa ngezina rake kunemadzinza eshe, kutanga muJerusarema".

Vhangeri ngere munhu weshe. Chikristu ngeche munhu weshe. Chakangotangira muJerusarema zvega. Saka chumaira Vhangeri. Richumaire kuvanhu veshe. Richumaire kundau dzeshe. Richumaire kunyika dzeshe. Marako 13 ndima 10 inoti, "Nevhangeri rinosisira kutanga kuchumairwa kumadzinza eshe".

Jesu vakaereketazve ngepadera peVhangeri iri. Tinoerenga mazwi avo munaMateu 24 ndima 14. Vakati, "Neiri vhangeri roumambo rinozochumairwa munyika dzeshe kuita chapupu kumadzinza eshe; naapo kupera kunozoguma". Vakazotipangazve muna Mateu 28 ndima 19. Vakati, "Ndizvo endai, mwechiita vadzidzi kumadzinza eshe, mwechivabhabhatidza ngezina raBaba neroMukororo neroMweya Wakachena".

Jesu vakazoereketazve kuvadzidzi vavo. Vakaereketa kudaro vaa pasinde kukwira mudenga. Tinoerenga mazwi avo munaZvakaitwa 1 ndima 8. Inoti, "Asi munozoashira simba apo Mweya Wakachena auya padera penyu; nemwi munozoita zvapupu zvangu muJerusarema, muJudhia mweshe, muSamaria nokumagumo enyika". Saka vadzidzi vakatangira muJerusarema. Vakaguma kuJudhia. Vakaguma kuSamaria. Vakazoenda kunyika dzeshe.

Kuronza kuti Vhangeri rakatanga kuchumairwa muJerusarema. Asi rechisisira kuguma pashi reshe. Izvi zvinoronza kuti Vhangeri ngere munhu weshe. Aruna munhu werisikakoni kutsandura. Munhu unongosisira zvega kuzwa ngezvaro. Oriashira. Munhu uyu unozotsandurwa ngeVhangeri iri. Ndizvo usangochumaira mudunhu rako zvega. Ronzera vanhu veshe ngepadera paJesu.

Ronzera mukadzi wako ngepadera paJesu. Ronzera mwamuna wako. Ronzera vabereki vako. Ronzera maticha ako. Nokuti vana vaunofundisa. Ronzera vaakidzani vako. Pamwepo neveunoshanda navo. Chumairira vanhu ava Vhangeri. Kune vamweni vanokona kunge vari kundau dziri kuretu. Vona vaya vasikazwi mutauro wako. Vatumire mabhuku eRhapsody.

Isusu tinobonga Mwari. Bhuku reRhapsody iri raa kuwanikwa mumitauro yeshe inozikanwa. Saka rinokona kushandiswa kugumisa Vhangeri pashi reshe. Bhuku iri inotoa tsamba. Itsamba yakanyorwa ndiMwari. Vakatinyorera kuti tizie kuti vanotidakarira. Ndizvo unokona kurishandisa kuchumaira Vhangeri. Uchirichumaira kweshe kweshe. Nokuvanhu veshe. Hareruya!

Kumbira Weiti
Baba vendinoda. Ndinomubonga. Vhangeri raa kukona kuguma kundau dzeshe. Ndiro izwi rinoponesa munhu weshe. Arina werinosia. Inini ndiri mutumwa waKristu. Ndini wevakatuma kugumisa Vhangeri iri kuvanhu. Ndizvo ndinogumisa Vhangeri kune vakawanda nyamashi. Vona vaya vemwakarongera kuti vaponeswe nyamashi. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaRoma 16 ndima 26
Mateu 24 ndima 14 AMPC

(Zvetafundiswa izvi zvatorwa kubva mu:
Rhapsody of Realities (Manyika)
Rinonyorwa ndi:
Mufundisi Chris Oyakhilome DSc DD.
Mungoriwona pa:https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church