Ndivo Vanotidetsera Kuzwisisa Umwari

Svondo, 24 Kurume 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

"Kuti Mwari waMambo wedu Jesu Kristu, Baba vouthende, vamupe mweya woungwaru nowokuoniswa muruziyo rwake" (VaEfesu 1 ndima 17).

Ndima yetabeura ndiyo mukumbiro. Mukumbiro uyu wakaitwa ndiMweya Wakachena. Wakadzama yaamho. Unotionesa umweni mushando unoitwa ngoMweya Wakachena. Mushando uyu wakakosha yaamho. Mushando wokutidetsera kuzwisisa zviro zvaMwari. Mweya Wakachena ndivo vanotidetsera kuzwisisa Umwari. Ndivo vega vanokona kukudetsera kuzia Mwari. Ndivo vega vanokona kukudetsera kuzwisisa zviro zviri munyika inotongwa ndiMwari.

1 VaKhorinte 2 ndima 9 kuguma 12 inotutsira kujekesa izvi. Inoti, "" Ngokudarozve akuna unozwisisa zvaMwari, kwega Mweya waMwari. Zvino atizi kuashira mweya wenyika, asi Mweya unobva kunaMwari, kuti tizwisise zvipo zvakapuwa kwetiri ndiMwari".

Mweya Wakachena ndivo vanokudetsera kuzwisisa zviro zviri munyika inotongwa ndiMwari. Asi vanokuita madetsererei? Vanozviisa kumweya wako. Mipinimidzo yako aikoni kuzvizwisisa. Ndizvo Mweya Wakachena vanotosisira kuronzerana nemweya wako. Vobva vaziisa zviro izvi kumweya wako. Vechiita kuti uzwisise Mwari. Pamwepo nokuzwisisa zviro zviri muUmambo hwavo.

Mweya Wakachena ndivo mweya vanoema pagwinyiso. Saka ndivo vanokudetsera kuzia gwinyiso pazviro zveshe. Izvi ndizvo zvetinoziiswa muna Johani 16 ndima 13. Inoti, "Naapo Mweya wegwinyiso wauya, unozomutungamirira mugwinyiso reshe; ngokuti aazodziereketeri ngesimba rake, asi zvaanozozwa, ndizvo zvaanozoereketa, naye unozomuronzera zviro zvichauya".

Mambo Jesu vaiya vatomboereketa ngepadera peMweya Wakachena ava. Tinoerenga mazwi avo muna Johani 14 ndima 26. Inoti, "Asi Muembedzeri, Mweya Wakachena, waachazotuma ngezina rangu, uwo unozomudzidzisa zviro zveshe, amucherechedzise zveshe zvendakamuronzera".

Mweya Wakachena ndivo vanozia zviro zveshe. Ndivo vane mazano eshe aMwari. Iwewe ukahamba navo. Auzombohambi muchidima zvachose. Auzombovhiringiki mukupona. Vona ndivo vakasika zviro zveshe. Saka varekere vakudetsere. Varekere vaite mushando wavo mwouri. Unozozia zvakawanda. Akuna chinozombokuvhiringa. Unozokona kunasirisa zviro zvinonesa vanhu munyika muno. Iyoyi nyika ine chidima. Ine nhamo. Ine vanhu vasikazii.

Kumbira Weiti
Baba vendinoda. Inini ndinodakara. Ngokuti mwakaita kuti ndiryisane naMweya Wakachena. Vona vanondidetsera kuzwisisa zviro zvomunyika yedu yemweya. Njira yangu yaa nokujeka. Saka ndaa kuzia pfuma yangu. Yona pfuma iya iri muna Kristu. Ndiyo yendaa kushandisa pakupona kwangu. Saka ndaa kubudirira pane zveshe zvendinoita. Ndinonyisa zveshe zvendinoshongana nazvo. Ndechiita zviro zvinobudirira. Ndechigara ndakadakara ndiri munaKristu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
1 VaKhorinte 2 ndima 12
1 VaKhorinte 2 ndima 14
VaRoma 8 ndima 14

(Zvetafundiswa izvi zvatorwa kubva mu:
Rhapsody of Realities (Manyika)
Rinonyorwa ndi:
Mufundisi Chris Oyakhilome DSc DD.
Mungoriwona pa:https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church