Ashira Izwi RaMwari

Mugubera, 12 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Jesu wakati kwaari, Kudai unesimba! Zviro zveshe zvingaitika kwaari unotenda (Marako 9 ndima 23).

Mazwi aya anoshamisa yaamho. Mambo ndivo vakaaronza. Ivo vane chiro chimweni chevakagwinyisa. Vakati unosisira kuashira Izwi ravo. Akuna chinozoramba kuitika. Asi kuashira Izwi raMwari kunoronzenyi? Kunoronza kugonda ngemazwi eshe evanoronza.

Bhaibheri rine imweni nhoroondo yerinotipa. Tinoerenga nhoroondo yakhona muna Marako yechishanu. Apa Mambo Jesu vaiya vaingwa ndiJairosi. Uyu waiya ari mutungamiriri mune imweni mhatso yokunamatira. Mwanasikana wake waiya ari kurwara. Waiya aa pasinde nokufa. Jairosi uyu waiya hino apererwa. Wakabva auya kuna Mambo. Ndokudemba kwavari. Echitsvaka kuti vaporese mwanasikana wake. Mambo Jesu vakatenda. Ndokutanga kuhamba vechienda kumhatso kwaJairosi uyu. Vaiya vachiri munjira. Nhume dzakabva dzaguma. Nhume dzakhona dzaiya dzabva kumhatso kwaJairosi uyu. Dzakabva dzaziisa Jairosi kuti mwanasikana wake waiya afa.

Marako yeshanu ndima yemakumi matatu nechitanhatu inoti, Asi asikavapurutani Jesu azwa izwi iro rakaereketwa, wakati kune mutongi wemhatso yokudira Usatya, gonda kwega. Vakazoguma pamhatso paJairosi. Vakaona patoa nemariro. Asi Mambo Jesu vakabata nyara yechitunha chakhona. Vakaereketa kwechiri. Tinoerenga mazwi avo muna Marako yechishanu ndima yemakumi marongomuna neimwe. Vakati, Tarita kumi! Mazwi aya aironza kuti, Mwanasikana! Muka!. Mwanasikana uya wakabva amiruka. Wakatanga kuhamba hamba. Vanhu vakashamiswa yaamho. Musikana uyu waiya aane makore gumi nemairi.

Ashira Izwi raMwari. Izwi iri ndiro rinoronze gwinyiso. Pona somunhu anoriashira. Ukwokwo ndikwo kugonda ndiMwari. Iwewe auiti zvokutamburira kugonda ngeIzwi raMwari. Unongopona somunhu anogonda ndiro. Unongopona somunhu akariashira. Akuna chinozoramba kuitika kwouri. Unozokona kuwana cheshe chounosisira kuwana. Uchikona kuita zveshe zvounosisira kuita.

Kumbira Weiti
Baba vendinoda. Ndinomubonga. Izwi renyu rinoronze gwinyiso. Rinogondeka. Ndinoshinga kushandisa Izwi renyu pakupona kwangu. Ndakagutsikana kuti zvemwakaronza ndizvo zvegwinyiso. Azvipinduki. Ndinoshandisa Izwi iri pakupona kwangu. Ndizvo simba rangu rekugonda ndimwi rinotutsira. Rinondiwanisa zvendinoda. Ndinogara ndechitutsira kutodzana nemwi. Ndechihamba mukujeka kweIzwi renyu. Ndechirarama kupona kwemene kwemwakandirongera. Ndechinyisa zveshe zvendinoshongana nazvo. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Vahebheru 11 ndima 1
Johane 17:17
VaRoma 4:20-21

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church