English
Manyika
Ndau
Shona
Kara Mwoyo Wako Udocheneswa
Soto, 16 Chikunguru 2023
*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*5*58225# Mwari vakufumisei
Ngwarira yaamho mwoyo wako, ngokuti kwouri kunobuda zvinyuka zvokupona (Mazwi Akangwara 4 ndima 23).
Mundima iyi mune izwi rinoti, ngwarira. Izwi iri arironzi kufisha chiro. Rakaturikirwa kubva kuizwi reChiHebheru. Izwi reChiHebheru rakhona rinoti, nalsar. Rinoronza kurinda chiro. Kuronza kuti unosisira kurinda mwoyo wako. Usarekera zviro zveshe zveshe zvechipinda mwouri. Izwi raMwari ndiro rinosisira kugara riri mumwoyo mwako.
Mwoyo wako ndicho chinyuka chokupona. Ndiyo ndaa uchisisira kuurinda. Uchigara une mwoyo wakachena. Ndiyo ndaa Bhaibheri rechigwinyisa kuti urinde mwoyo wako. Zviro zveshe zvinotangira mumwoyo mwako. Ungaa nechounotsvaka mukupona izvozvi. Chiro ichi chinotoa mumwoyo mwako.
Mihambo youchaita yeshe iri mumwoyo mwako. Zveshe zvouchaa nazvo zvinotoa mumwoyo mwako. Kudakara kwako kweshe kunotoa mumwoyo mwako. Mwari vakaisa zviro zveshe mumwoyo mwako. Izvi ndizvo zvinoronza Bhaibheri. Tinozviona muna Muchumairi 3 ndima 11. Umambo hwaMwari huri mumwoyo yedu. Izvi ndizvo zvetinoerenga muna Ruka 17 ndima 21. Saka chiinyi chounosisira kuita?
Tutira Izwi raMwari mumwoyo mwako. Ndikwo kuti zvakanaka zvega zvibude mumwoyo mwako. Usangwarira zvakashata mumwoyo mwako. Usapinimidza ngepadera pazvo. Mwoyo wako ngausazvikudza. Usaita hasha. Usatsvaka kuita utsinye. Usaa nezvigumbu. Usazonda vanhu. Zviro zvakadaro zvinouraya mwoyo wako.
Mwari vane zviro zvevanoda kuti ugare wakadzadza mumwoyo mwako. Zviro izvi ndizvo zvetinoziiswa muna VaFiripi 4 ndima 8. Zviro izvi ngezviya zvakarurama. Zvisina chishaishi. Zvinodakadza. Zvine guhu rakanaka. Zvinoirikidzwa. Kuronza kuti unosisira kudzadza mwoyo wako ngeIzwi raMwari. Izwi iri ndiro chiro chega chakarurama. Chisina chishaishi. Chinodakadza. Chine guhu rakanaka. Chinoirikidzwa. Ndizvo Izwi raMwari rinosisira kugara rakadzara mumwoyo mwako. Izvi ndizvo zvetinoziiswa muna VaKhorose 3 ndima 16.
Pupura Weiti
Mipinimidzo yangu inogara ichivandudzwa ngeIzwi raMwari. Saka inogara yakadzara zviro zvegwinyiso. Zvakarurama. Zvisina chishaishi. Zvinodakadza. Zvine guhu rakanaka. Zvinoirikidzwa. Ndinogara mipinimidzo yangu iri paIzwi raMwari. Izwi iri rinoita kuti ndigare ndechizviona ndechibudirira. Ndechinyisa. Ndechidakarira vanhu. Ndechiryisana naMwari. Hareruya!
Dzimweni Ndima Dzinotsinhira Kufunda KwaNyamashi:
Varoma 12 ndima 2
1 Timoti 4 ndima 15
Ruka 6 ndima 45
(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvina zvidzidzo mungozviwona pa: https://bit.ly/Shona_Church