English
Manyika
Ndau
Shona
Zvipire Zvakaperera
Chipiri, 25 Chikunguru 2023
*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*5*58225# Mwari vakufumisei
Asi andierengi kupona kwangu kuita chiro chinodikanwa kwendiri, kuti ndipedze bingo rangu, nomushando wendakaashira kubva kunaMambo Jesu kuchumaira vhangeri renyasha dzaMwari (Zvakaitwa 20 ndima 24).
Zvakaitwa 20 ndima 17 kuguma 27 ine nhoroondo yeinotipa. Ruka ndiye unotipa nhoroondo iyi. Iyi inhoroondo yaPhauri. Phauri waiya ane vamweni vake. Vakabva paTiraosi. Vakahamba ngengarava vakaguma paMiretasi. Phauri wakashongana nevakuru vechiara chepaEfesu apapo. Wakabva aereketa mazwi echivhaisa vakuru ava. Mazwi akhona aibata mwoyo zvakanyanya. Phauri une zvaakakarakadzisa vakuru ava. Wakavakarakadzisa kuti waiya ashandira Mwari ngemwoyo weshe echizvipfaisa. Echishongana nezvainesa. Echitambudzwa. Echiedzwa. Zvechitoguma pakumubudisa masodzi.
Mundima yemakumi mairi nematatu yakhona unoti, Asi kuti Mweya Wakachena unondipupurira mumadhorobha eshe kuti kusungwa nokutambudzwa kunondigarira. Phauri waiya ari muapostora waJesu. Wakaziisa vakuru ava kuti waiya akanasirira kufa. Echifira kuchumaira Vhangeri. Aazi kufisha izvi. Izvi zvinoshamisa yaamho.
Dangani wakamboerenga mazwi akanyorwa ndiPhauri. Kana kuti akanyorwa ngevaapostora vamweni vaMambo Jesu. Varume ava vakatambudzwa yaamho. Vechitsvaka kuti Vhangeri rigume kwetiri. Wakambozvifungawo ere izvozvo? Funda nhoroondo yeVakacheneswa vekaretu. Unozoona kuti vakawanda vavo vakaurayiwa. Vechiurayirwa Vhangeri iri.
Erenga ngepadera paStefano. Iye wakakona kutenderusa VaJudha. Izvi zvakabva zvatsamwisa vakuru veVaJudha ava. Vakaronga kuti atakwe ngemapuwe. Akafa. Vamweni vakadimburwa misoro. Vamweni vakakohomerwa pamichinjiko. Vamweni vakapishwa vari vanopona. Vamweni vakakandirwa mumafuta aiira. Zviro zvakadaro zvinokona kuitikawo kwouri. Ndizvo unosisira kuzvipira zvakaperera.
Nasirira kufira Vhangeri iri. Kunyanya iwo mazuwa ano. Ngokuti ndiwo mazuwa okugumisira. Akuna chounosisira kusakona kuitira Mwari. Akuna chounosisira kutya kuita uchitsvaka kuti Vhangeri rigume kuvanhu. Asi dangani uri kutoshingairira Vhangeri zvakanyanya, nasirira kutorifira.
Unokoshesa kupona kwako zvakadini? Une zvousikakoni kuitira Mwari ere? Pangaa nezvounodhana kuitira Mwari ere? Mare yako ine zviri nane zvokuita zvisiri zveVhangeri ere? Apasisiri kunge pane zvousikakoni kuitira Mwari. Unosisira kutotenda kuvafira. Izvi ndizvo zvetinopangwa ndiJesu. Tinoerenga mazwi avo muna Marako 8 ndima 35. Inoti, Ngokuti kunyazwi ndiani unoda kuponesa ndaramo yake unozorashikirwa ndiyo, nouwo unozorashikirwa ngendaramo yake ngendaa yangu neeyevhangeri, unozoiponesa.
Kumbira Weiti
Baba vendinoda. Ndinoema neVhangeri. Ndinoema naro kweshe kwendingaenda. Ndechirichumaira ndakashinga. Ndisikatyi kurifira. Ameni.
Dzimweni Ndima Dzinotsinhira Kufunda KwaNyamashi:
2 Vakorinde 1 ndima 8 kusvika 9
1 Vakorinde 9 ndima 16 kusvika 17
(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvina zvidzidzo mungozviwona pa: https://bit.ly/Shona_Church