English
Manyika
Ndau
Shona
Tinocheneswa NgeIzwi RaMwari
Soto, 6 Nyamavhuvhu 2023
*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*5*58225# Mwari vakufumisei
Nevamweni venyu vaiya vakadaro. Asi mwakashambwa nokucheneswa nokupembedzwa, muzina raMambo Jesu Kristu, muMweya waMwari wedu (1 VaKhorinte 6 ndima 11).
Phauri ndiye wakanyora mazwi etabeura ndiwo. Une Vakacheneswa vaaiya ari kuereketa ngezvavo. Vakacheneswa ava vaiya vari paKhorinte. Unoti Vakacheneswa ava vaiya vaa kuziikanwa ngezina raMambo. Saka vaiya vasukwa. Vaiya vacheneswa. Vaiya varuramiswa. Mweya Wakachena ndivo vaiya vavaita zveshe izvi. Mazwi aya akadzama zvakanyanya.
Mweya Wakachena vane mazwi evakashandisa mundima iyi. Nyasa kuaongorora. Avazi kuti, Ndizvo zvakaita vamweni venyu. Haiwa, Andizvopi. Vakati, Vamweni venyu ndizvo zvemwaiya muri. Vaiya vari kuronza kuti Vakacheneswa ava vane pevaiya vaane kusarurama. Kusarurama kwakhona ndikwo kwaiya kwaronzwa mundima dziri padera dzakhona. Asi hino vaiya vacheneswa. Chaiya chavachenesa chakhona chiinyi? Raiya riri Izwi raMwari.
Izvi ndizvo zvetinoona muna Johani 15 ndima 3. Mambo Jesu ndivo vaiya vari kuereketa mundima iyi. Vaiya vari kuereketa kuvadzidzi vavo. Vakati, Imwimwi muri vakatocheneswa ngeizwi rendakaereket kwomuri. Ndizvo Jesu vaiya vachenesa vadzidzi ava. Vakashandisa mazwi avo kuvachenesa. Mazwi aya aiya ari okunasa. Aiya ari okururama. Vaiya vaita zvokuaronza kuvadzidzi ava. Vadzidzi ava vakaateerera. Vakaaashira. Vakabva vacheneswa. Mwari ngavafumiswe! Izvi ndizvo zvinoitikawo nyamashi. Zvinoitika petinenge tiri kudzidzisa vanhu Izwi raMwari. Vanhu ava vakateerera kuIzwi iri. Vechiriashira. Mwoyo yavo inobva yacheneswa. Zvisakarurama zveshe zvechiduswa mweiri.
Kune vakasitizwa techidzidzisa Izwi raMwari. Vamweniwo vakadzidza zvinyorwa. Vechizvidzeya mumwoyo yavo. Vanhu ava vanoti vaibva vazviona vari mumweya. Vadzara kudakara kwaMwari. Vechizwa kudakarirwa ndiMwari zvakanyanya. Izwi iri rine zveraiya radusa mwevari. Izvi zviro zviya zvisikazi kunaka. Zvisikadakadzi. Zvisikazi kuchena. Izvi zvinoshamisa yaamho. Saka Izwi raMwari rinotichenesa. Hareruya!
Kumbira Weiti
Izwi raMwari rine zverinodusa mwendiri. Izvi zviro zviya zvisikazi kunaka. Zvisikadakadzi. Zvisikazi kuchena. Rinodusa zvirwere mwendiri. Rinodusa urombo. Rinodusa zvishaishi zveshe. Nemishando yeshe yechidima. Inini ndaa kuzikanwa ngezina raMambo Jesu. Saka ndakasukwa. Ndakacheneswa. Mweya waMwari ndivo vakandiita zveshe izvi. Mwari ngavakudzwe!
Dzimweni Ndima Dzinotsinhira Kufunda KwaNyamashi:
Johane 15 ndima 3 AMPC
Vakorose 1 ndima 22 CEV
(Dzimweni Ndima Dzinotsinhira Kufunda KwaNyamashi:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvina zvidzidzo mungozviwona pa: https://bit.ly/Shona_Church