English
Manyika
Ndau
Shona
Mweya Wakachena Ndivo Vanoita Mushando Wakhona
Muvhuro, 18 Gunyana 2023
*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*5*58225# Mwari vakuropafadze
Inini ndiri mukati mwaBaba naBaba vari mukati mwangu? Mazwi endinoereketa kwomuri andidzierekeri ngesimba rangu; asi Baba vanogara mukati mwangu ndivo vanoita mishando yavo (Johani 14 ndima 10).
Mambo Jesu ndivo vakaronza mazwi etabeura ndiwo. Vaiya vari kuronza ngepadera peMweya Wakachena. Vakati Mweya Wakachena ava ndiBaba vavo. NdiBaba vavo vaigara mukati mwavo. Jesu ava vane mishando yevaiita. Asi vanoti Mweya Wakachena ndivo vaiya vari kuita mishando iyi. Eya. Mweya Wakachena ativaoni ngemadziso edu. Atikoni kuvabata ngenyara dzedu. Asi tinovazwa vechishanda mwetiri. Ndivozve vanotiitisa mishando yetinoita.
Mweya Wakachena ndiMwari. Ndivo izwi raMwari. Ndivozve vanoemerera Mwari. Dzimweni nguwa vanoshanda mwetiri. Asi isusu tinokona kusaona kuti ndivo vari kushanda kudaro. Tinoona izvi muBhaibheri. Jesu vaiya vabvunza vadzidzi vavo. Vakati, Vanhu vanoti inini ndini anani? Vamweni vadzidzi veshe avazi kukona kunyasa kudaira mubvunzo uyu. Petro ndiye wakazoti, Ndimwi Kristu Mukororo waMwari vanopona.
Mambo vakabva vadaira Petro uyu. Vakati, Simoni. Auzi kuronzerwa izvi ngenyama nengazi. Wazvironzerwa ndiBaba angu. Vona Baba vaya vari mudenga. Mweya wako ndiwo wega unokona kuzia kuti Jesu ndiani. Uyezve mweya uyu unosisira kunge wazvironzerwa ndiMwari. Asi Petro aazi kuzia izvi. Waifunga kuti zvaiya zvangobva mumusoro mwake.
Isusu tine shoko retinosisira kugumisa pashi reshe. Iri iVhangeri. Shoko iri arikoni kunge rakarongwa ngevanhu. Arikoni kuashirwa ngemipinimidzo yevanhu. Arikoni kuzwisisiwa ngemipinimidzo yevanhu. Munhu wenyika ino aangakoni kuriashira. Izvi ndizvo zvetinoziiswa muna 1 VaKhorinte 1 ndima 18. Inoti, Ngokuti izwi romuchinjiko upenzi kwavari vanopera, asi kwetiri isusu tinoponeswa, isimba raMwari.
Saka tingatsvaka kuti vanhu vaashire Vhangeri. Mweya Wakachena ndivo vanosisira kutidetsera pamushando wakadaro. Vona ndivo vakatidetserawo kuashira Vhangeri iri. Nduyo 127 ndima 1 inoti, Kudai Mambo Mwari, asikaaki mhatso, avo vanoiaka, vanoshanda pasina. Kudai Mambo Mwari asikangwariri guta, murindi unotera kupira pasina. Teshe tinosisira kugara techizwisisa chiro ichi. Zvakanyanya vaya vedu vanotenderusira vanhu kunaMwari.
Dangani ungaa uri kuaka chiara chaMwari. Unosisira kunge uri kudetserwa ndiMweya Wakachena. Zvisirizvo aungachiaki. Mweya Wakachena ndivo mukuru wehukuro. Ndivo vanoita mushando wakhona. Izvi ndizvo zvetakaziiswa ndiMambo Jesu. Tinoerenga mazwi avo muna Johani 16 ndima 7 kuguma 8. Inoti, Asi ndinomuronzera gwinyiso; kuti zvakapinda kumunakira kuti ndiende, ngokuti kudai ndisikaendi, Muembedzeri aazouyi kwomuri; asi kuti ndikaenda, ndinozomutuma kwomuri. Naapo auya, unozoonisa nyika ngendaa yokushaisha, yokururama nendaa yokutongwa. Hareruya!
Kumbira Weiti
Mweya Wakachena vendinoda. Ndinomubonga. Ndimwi munoshanda mwendiri. Mwechindipa shungu dzokuita zvinodakadza Mwari Baba. Mwechiitazve kuti ndikone kuita zviro izvi. Ndinozia kuti muri kunditungamirira. Simba renyu riri kushanda mwendiri. Saka ndinokona kuita zviro zveshe. Muzina raJesu. Ameni.
Dzimweni Ndima Dzinotsinhira Kufunda KwaNyamashi:
VaFiripi 4 ndima 13 (AMPC)
VaFiripi 2 ndima 13
Johane 14 ndima 10 AMPC)
(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church