English
Manyika
Ndau
Shona
Wapinda Vanhu VoMunyika Muno
Mugubera, 14 Gumiguru 2023
*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*5*58225# Mwari vakufumisei
Nouhwu ndihwo uchapupu, kuti Mwari wakapa kwetiri kupona kusikaperi, noukwo kupona kuri muMukororo wake. Kunyazwi ndiani uno Mukororo uno kupona; nouwo usina Mukororo waMwari, aana kupona (1 Johani 5 ndima 11 kuguma 12).
Kristu vaa kugara mwouri. Izvi zvinoronza kuti waa wengazi yaMwari. Waa wedzinza raMwari. Ongorora manyorerwe akaitwa ndima yetabeura ndiyo. Inoti Mwari vakatipa hupenyu husingaperi. Kuronza kuti atisiri kugondiswa kupona kusikaperi. Atisiri kugondiswa kuzoitwa vanhu vengazi yaMwari. TATOA vanhu vengazi yaMwari. Ndiyo ndaa Johani akazoereketa muna 1 Johani 5 ndima 13 echiti, Ndanyora izvi zviro kwomuri imwimwi vanotenda muzina roMukororo waMwari, kuti muzie kuti munakwo kupona kusikaperi.
Iwewe auchisiri wedzinza revanhu vomunyika muno. Wapinda vanhu vomunyika muno. Waiya uri wengazi yevanhu vomunyika muno. Asi wakazotsanduka dzinza. Ukaitwa wengazi yaMwari. Ndiyo ndaa waa kuryisana naMwari. Ndiyo ndaa waa wedzinza ravo. Watosiyana nevanhu vomunyika muno. Karakadza mazwi ari muna Nduyo 82 ndima 6. Inoti, Ndinoti imwimwi muri zvimwari, vana voUripadera-pezveshe, imwimwi mweshe.
Mambo Jesu vakaronzawo mazwi awawo. Tinoaerenga muna Johani 10 ndima 35. Vakati, Kudai akavadaidza kuti zvimwari, kwavari avo kwarakaguma Izwi raMwari, (nezvinyorwa azvingadarikwi). Mwari ndivo vakatibara. Kuronza kuti tiri Vamwari. Takabarwa ngeIzwi raMwari. Izvi ndizvo zvetinoona muna 1 Petro 1 ndima 23. Inoti, Imwimwi mwakabarwazve patsva, haiwa ngembeu inoora, asi ngeisikaori, kubudikidza ngeIzwi raMwari rinopona mhera nariini. 1 Johani 4 ndima 17 inotiwo, Ngokuti kudai ngezvaari azvo iye, nesu takadarowo munyika muno.
Pupura Weiti
Kristu vaa kugara mwendiri. Pendiri ndipo pevanoonekwa. Ndipo panoonekwa nyasha dzavo. Ndipo panoonekwa Umambo hwavo. Ndipo panoonekwa simba ravo. Ndipo panoonekwa hunhu hwavo! Zvevari zveshe zvinoonekwa pendiri. Vona ndivo vakandiumba. Ndingashongana nezviro mukupona. Zviro izvi zvingaa zvinotsvaka kundishaishidzira. Asi andikharuki. Pane simba riri mwendiri. Simba iri rinoita kuti ndinyise zveshe zvendinoshongana nazvo. Mukuru wakhona unogara mwendiri. Mwaari ndimwo mune zveshe zvendingada. Mwari ngavakudzwe!
Dzimweni Ndima Dzinotsinhira Kufunda KwaNyamashi:
1 WaKorinde 3 ndima 16
WaKorose 1 ndima 26 kusvika 27
1 Johane 4 ndima 4
(Chidzidzo ichi chatorwa kubva mu:
Rhapsody of Realities (Ndau)
Ringonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvina zvidzidzo mungozviwona pa: https://bit.ly/Shona_Church