English
Manyika
Ndau
Shona
Tisu Varidzi VoUmambo HwaMwari
Chitatu, 6 Zvita 2023
*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei
'... Jesu wakauya muGarire echichumaira vhangeri raMwari echiti, 'Nguwa yaguma noumambo hwaMwari hwaapasinde. '' (Marako 1 ndima 14 kuguma 15).
Mambo Jesu vakaunza Umambo hwomudenga munyika. Vakabva vahupa kuvaJudha. Jesu vakauya vechichumairira vaJudha ava. Vechiti, 'Umambo hwomudenga hwaa pasinde'. Izvi ndizvo zvatinoerenga muna Mateu 3 ndima 2. Mateu 4 ndima 17. Marako 1 ndima 14 kuguma 15. NaRuka 10 ndima 9.
Asi vaJudha vakaramba kuashira izwi raJesu iri. Vakaramba Umambo uhwu. Mambo Jesu vakabva vaereketa kwevari. Tinoerenga mazwi avo muna Mateu 21 ndima 43. Vakati, 'Umambo hwaMwari hunozoduswa kwomuri, nahwo hunozohinwa kudzinza iro rinobereka michero yahwo'.
Ndizvo vanhu vakapuwa Umambo hwomudenga. Vakapuwa mukana wokuti vave vagari vomunyika inotongwa ndiMwari iyi. Kune vamweni vakaashira izwi iri. Vanhu ava ndivo vakabva vatsandurwa dzinza. Vakabva vaitwa vanhu vengazi yaMwari. Vanhu ava ndivo Makristu. Vakaashira izwi roUmambo hwomudenga iri. Mweya yavo yakabva yatsandurwa. Yakabva yaitwa yengazi yaJesu. Ndizvo vaa vagari vomunyika inotongwa ndiMwari iyi. Ndivo vaa varidzi vayo.
Ndiyo ndaa Bhaibheri rechironza muna vaRoma 8 ndima 16 kuguma 17 rechiti, 'Mweya emene unoita chapupu pamwepo nomweya wedu kuti isusu tiri vana vaMwari; kudai tiri vana, tiri vanogara nhaka yaMwari, naavo vanogara nhaka pamwepo naKristu, kudai ngegwinyiso techitambudzwa pamwepo naye kuti tikudzwewo pamwepo naye'.
Tichiri munyika muno hedu. Iyoyo nyika yakadzara utsinye. Yakadzara zvishaishi. Asi Mwari vakatipa Umambo hwavo. Tisu taa varidzi vomunyika yevanotonga. Atichisiri vanhu vomunyika muno. Atichagari munyika inotongwa ndiSathani.
Bhaibheri rine amweni mazwi erinotipa. Tinoaerenga muna vaKhorose 1 ndima 13. Inoti Mwari vakatidusa munyika inotongwa ngechidima. Vakabva vatiisa munyika inotongwa ngoMukororo wavo. Mukororo uyu ndiye uya wevanodakarira maningi. Mwari ngavakudzwe saMwari. Mwari vakatiita madzimambo munyika iyi. Vakatiitawo vapristi vavo munyika iyi. Vanoda kuti tibereke zvibereko zvomunyika iyi. Zvinoa zvibereko zvokururama. Zvona zvibereko zveVamwari. Zvinounzira vanhu kupona kweVamwari.
Isusu tisu vaya vaironzwa ndiPetro. Tinoerenga mazwi ake aya muna 1 Petro 2 ndima 9. Inoti, 'Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa'. Hareruya!
Kumbira Weiti
Baba vendinoda. Ndinomubonga. Mwakandiita muridzi wenyika yemunotonga imwimwi. Yona nyika yeVamwari. Ndakatsanduka dzinza. Ndaa munhu wengazi yeVamwari. Ndizvo munyika iyi ndimwo mwendaa kugara. Saka zviro zvomunyika muno azvichakoni kundishaishidza. Ndakaduswa kuzvishaishi zvomunyika muno. Ndakagariswa pemunogara imwimwi. Vanhu vanogara pandau iyi vakuru kuvabati veshe. Vakuru kumasimba eshe. Muzina raJesu. Ameni.
Dzimweni Ndima Dzinotsinhira Kufunda KwaNyamashi:
Varoma 8 ndima 16 kusvika 17 (AMPC)
Vaefeso 1 ndima 18 kusvika 21
VaKorose 1 ndima 13
(Zvetafundiswa izvi zvatorwa kubva mu:
Rhapsody of Realities (Ndau)
Ringonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvimweni zvinofundiswa munozviwana pa: https://bit.ly/Shona_Church