English
Manyika
Ndau
Shona
UMoya ONgcwele Nguye Owenza Umsebenzi
Monday, 18 September 2023
*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*5*58225# God Bless You!
Kawukholwa yini ukuthi ngikuBaba lokuthi uBaba ukimi? Amazwi engiwakhulumayo kini akusiwami. Kodwa nguBaba ophila kimi owenzayo umsebenzi wakhe (UJohane 14:10).
INkosi uJesu, evesini elingaphezulu, ubiza uMoya oNgcwele ngoBaba ophila Kuye. UNgumenzi wemisebenzi. Yebo singabe singamboni ngamehlo uMoya oNgcwele kumbe ukumthinta kumbe ukukhulumisana laye ngokwenyama, kodwa uBukhona Bakhe, umsebenzi awenzayo, kanye lezithelo zawo kithi, ngathi kanye lakukho konke okumayelana lathi uyaphila njalo mkhulu kakhulu.
UMoya oNgcwele unguNkulunkulu, uyiLizwi likaNkulunkulu. UMoya oNgcwele uyisandla sikaNkulunkulu eseluliweyo. Kwesinye isikhathi, lapho esenza okuthile, asinanzeleli ukuthi Nguye. Isibonelo yikuthi, lapho uJesu wayebuza abafundi Bakhe ethi, " Ingabe abantu bathi ngingubani na?" Ekuphenduleni kwabo, babengelaqiniso; kodwa uPhethro wasesithi, "UNguKhristu, indodana kaNkulunkulu ophilayo".
Impendulo yeNkosi kuPhethro yayiyikuthi, "Ubusisiwe wena Simoni, ndodana kaJona ngoba lokhu awukwambulelwanga ngumuntu wegazi lenyama kodwa nguBaba osezulwini. Kudingeka ukuthi wambulelwe ukuze wazi ukuthi uJesu ungubani, kanti futhi leso sambulo usiphiwa nguNkulunkulu. UPhethro wayengazi ukuthi lolu kuyilwazi oluvela kuNkulunkulu ayeluphiwe.
IVangeli leli esithumywe ukuthi silise ezizweni zonke zomhlaba akuyona into ongayihlanganisa ngokwenyama, uyamkele futhi uyizwisise. Akwenzeki ukuthi umuntu nje avele ayamkele. IBhayibhili lithi, " Ngoba iLizwi lesiphambano liyikubhubha kulabo ababhubhayo, kodwa kithi abasindisiweyo lingamandla kaNkulunkulu (1 AbaseKhorinte 1:18).
Ngakho-ke, siyalundinga usizo lomsebenzi kaMoya ukuze abanye balamkele ivangeli njengoba lathi salamkela. Amahubo 127, uthi, "Ngaphandle kokuba uThixo ayakhe indlu, abakhi bayo basebenzela ize". Sonke njengabagoli babantu kumele sikunanzelele lokhu.
Uma uzama ukwakha ibandla ungelaye uMoya ongcwele, angeke kusebenze. UyiNkosi yesivuno. Nguye owenza umsebenzi. Funda amzwi ahlokomisayo eNkosi uJesu kuJohane 16:7-8 AMPC, " Ngilitshela iqiniso ngithi: kulungele lina ukuba ngihambe. Ngaphandle kokuthi ngihambe, uMeli( umeluleki, umsizi, ummeli, okukhulekelayo, okuqinisayo, lo omayo lapho ungaselamandla) akayikuza; kodwa nxa ngihamba, ngizamthuma kini. Lapho efika uzatshengisa umhlaba ukuba ulahlekile ngesono, ngokulunga langokwahlulelwa (ukuqonda kwenhliziyo kanye lokulunga phambi kukaNkulunkulu) langokwahlulelwa". Halleluya!
Umkhuleko
Moya oNgcwele othandekayo, ngiyabonga, ngoba Nguwe osebenza kimi, ukuba ngifune njalo ngenze intando kaBaba. Umoya wami uyaqaphelisa ukukhokhela lokungihola ongenzela khona. Ngingenza noma yini ngamandla akho asebenza kimi, ngeGama likaJesu. Ameni.
Qhubeka Ngemibhalo
Philippians 4:13 (AMPC)
Philippians 2:13
John 14:10 AMPC)
(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/RORchurch