Chigarwe Chikunda English Hwesa Kore Kore Manyika Ndau Ndebele Shona Zimxhosa 



ḒIDZHENISENI NḒILANI YA MUDZIMU

Thursday,, 5 August 2021

We want this message to reach *5 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*5*58225# God Bless You!

"Zwoṱhe hone zwo bva kha Mudzimu we a ḓipfumedzanya na riṋe nga Kristo, a dovha a ri fha mushumo wa vhupfumedzanyi" (2 Vhakorinta 5:18)

Hu na vhathu vhane vha ṱoḓa u ḓitakadza vhone vha vhoṱhe, vha sa londi zwine Mudzimu a zwi ṱoḓa. Hone ndi zwini zwine Mudzimu a zwi ṱoḓa? Mudzimu u ṱoḓa vhathu vha tshi nga ḓivha ngoho. Ndi zwone zwine ra vhala kha 1 Timotheo 2:4. Na inwi ni lilele zwenezwi ni shume no ḓifunga.

Ni vhe na mbiti dzauri vhathu vha ḓe Mudzimuni. Mbiti idzo dzi vhe dzone dzine dza ni ruma u shumela Mudzimu. Naho ni mishumoni yaṋu yo fhambanaho ni songo hangwa uri inwi ni vhakristo ngauri vhukristo ndi hone ha ndeme u fhira mishumo miṅwe yoṱhe. No ṋewa mushumo wa u ṱanziela Kristo uri vhathu vha tshidzwe. Ndi hone ni tshi ḓo fhaṱutshedzwa.

Misi ni tshi shuma zwe na rumiwa, zwa u ḓisa vhathu kha Kristo, ni vha ni tshi ita uri vhushaka haṋu na Mudzimu hu vhe ho dzikaho. Ni vha na vhutshilo hu ni fushaho. Yesu o amba kha Marko 16:15 a ri: "... Iyani mashangoni oṱhe ni huwelele mafhungo maḓifha kha zwivhumbwa zwoṱhe". Kha Mateo 24:14 o ri: "Huno mafhungo maḓifha aya a muvhuso wa ṱaḓulu a ḓo ḓivhadzwa mashangoni oṱhe, uri a vhe thovhedzo kha dzitshakha dzoṱhe. Ndi hone hu tshi ḓo ḓa vhufhelo".

Mafhungo maḓifha a tea u swika mashangoni oṱhe sa zwe Yesu a amba. Zwi tea u shumiwa nga vhakristo vhoṱhe hu si vhafunzi fhedzi. Inwi ni mushumeli wawe, mafhungo maḓifha a mulanga muswa a tea u swika kha vhathu nga kha inwi. Ndi zwone zwine ra wana kha 2 Vhakorinta 3:6. No rumiwa kha vhathu vha re swiswini uri vha ḓe tshedzani.

Shango ḽino ḽo ḓala swiswi huno inwi ni tshedza tsha ḽino shango. Tshedza tsha mafhungo maḓifha kha tshi vhonetshele vhathu uri na vhone vha konevho u vhonetshela vhaṅwe. Mudzimu u fulufhela kha vhoinwi ngauri ipfi ḽavho ḽi kha vhoinwi. Ndi ipfi ḽi re na vhutshilo. Ḽi bonyolosa maṱo o swingaho, vhathu vha tshi bva swiswini, vha tshia tshedzani. Vha tshi bva kha maanḓa a Sathane vha tshi a kha Mudzimu.

NI RABELE NI TSHI RI

Mudzimu ndi livhuha tshilidzi tshavho tshine tsha tshidza vhathu na ṋamusi. Tshilidzi tshavho tshi shuma ngauri vhathu vha khou funza mafhungo maḓifha. Vhathu vha khou bviswa swiswini vha iswa tshedzani. Vha bviswa muvhusoni wa Sathane vha tshi ḓiswa muvhusoni wa Mudzimu. Dzinani ḽa Yesu Amen!

Ndima dziṅwe dzine dza tikedza ngudo ya ṋamusi ndi dzi thevhelaho:

Vharoma 13:12

Habakuku 2:14

(This article was culled from:

Rhapsody of Realities (Zim Venda)

Authored By:

Pastor Chris Oyakhilome DSc DD.

You can download a full copy in your language on: https://bit.ly/rorlanguages

You can get other teachings on: https://bit.ly/RORchurch