Tisu Vachengeti VeFuma YaMuponesi

Mugovera, 14 Kukadzi 2026,

*TAVA KUTSVAKA MUTADZI WEKUPEDZISIRA!. Mari yako inogona kutibatsira pabasa iri. Itume neEcoCash kuTNI Zimbabwe pa *151*2*7*58225# (Nyora Assembly seshoko rimwe chete)*

"Asi gomo ramakauya kwariri rinonzi Ziyoni. Rinova guta raMwari vapenyu. Iro Jerusarema rekudenga. Kwamunodyidzana nengirozi dzisingaverengeki. Ndikozve kune gungano riya. Rinova sangano guru. Rematangwe akanyoreswa kudenga. ..." (Vahebheru 12 ndima 22 kusvika 23).

Hufumi hwenyika yako hune vanohuronga. Hunorongwa nevatungamiriri venyika iyi. Hunorongwavo nemakurukota enyika iyi. Vanhu ava ndivo vanoronga kushandiswa kwehufumi uhu. Asi iwe uri gurukotavo. Uri nhengo yedare. Dare racho iguru chose. Rakakura kudarika matare ose enyika ino. Dare racho ndiro Sangano reVatsvene. Rinotungamirirwa naIshe Jesu. Ishe Jesu ndivo Dangwe redu.

Kureva kuti tiri mudare reVamwari. Dare iri ndiro rinoronga fuma yekudenga. Iyo fuma yaMuponesi. Iyoyo inoshandiswa naMwari panyika pano. Mazita edu tose ari kudenga. Hatisi vatorwa. Tinotova nhengo dzedare rekudenga iri. Tinoronga kushandiswa kwefuma yaMwari panyika pano. Ndiyo fuma inoshandiswa pamabasa ekuunzira vanhu ruponeso. Ndiyo inoshandiswa pamabasa ekuunzira vanhu maropafadzo. Pamwe nekugadzirisa zvinhu zvenyika ino. Iwe uri kuitei nefuma iyi?

Fuma iyi iripo kuponesa vanhu. Iripo kufumisa dzinyika. Asi isu tisu tinoisvitsa kuvanhu. Tisu takaibatiswa. Saka chirega kufunga semunhu akamirira kupiwa mari naMwari. Wava kuzikanwa nezita raJesu. Chirarama semunhu anonzwisisa izvi. Wava kungofanira kutaura chete. Fuma yacho inozouya kwauri. Mikova inozovhurika. Fuma yaMwari haiperi. Inouya pose painodiwa. Saka iwe wava kugona kuwana zvose zvaungada. Wava nefuma yose inodiwa kuita mabasa aMwari. Uchipinza vanhu munyika yaMwari. Nyasha dzakakuwandira. Hareruya!

Pupura Uchiti
Ndini ndinosvitsa fuma yaMwari kuvanhu. Ndakapiwa fuma yacho yakawanda. Ndinoshandisa mazano edenga pakurarama kwangu. Ndinoshandisa fuma kusvitsa Ruponeso kudzinyika. Fuma yangu inogara ichiwedzera. Ndichibudirira pane zvose zvandinoita. Muzita raJesu. Ameni.

Dzimwe Ndima Dzinotsigira Chidzidzo ChaNhasi
VaFiripi 4:19; 2 VaKorinte 9:8; VaEfeso 3:8 AMPC

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church