Ungopa Shiyedza Kunyika

China, 5 Gunyana 2024

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Kana ndisharindori panyika basi, Ndiri shiyedza shenyika inoyi. (Yohane 9 ndima 5).

Rina zuwa apo Yeso wadonga warudarika,wadowona una mwamuna adonga ari bofu shibarirwe shashe. Yeso wadonga wane wadzidzi wawo awo wadovhunza kuti hubofu hwemwamuna uyu hudonga hwawuya ngekuda kweshitadzo shewabereki washe yere. Yeso wadopindura kuti hubofu uhwu hudonga husinenyi ngemwamuna uyuba kana kutadza kwewabereki washe. Wadosharo muna Yohane 9 ndima 3 kusvika 4. Asi wadobva watawura masoko makuru mundima yeshishanu yacho pawadoti: Kana ndisharindori panyika basi, Ndiri shiyedza shenyika inoyi.

Wayipedza kutawura izvi, Yeso wadobva wayita shiro shingoshamisa maningi. Wadopfira mate patsi bvawawumba dongo ngemate acho wayibva wazorera mumadziso emwamuna uyu. Wanyori wenhorowondo wangoti mwamuna uyu adonga asindori bofu basiba, adonga asitorina madziso achoba asi zvimaburi basi. Yeso wadotsandura dongo kuyita madziso, watawura kuti kana ndisharindori panyika basi, Ndiri shiyedza shenyika inoyi. Ungoziwa zvazvingotawura yere izvi?

Petse payitawura Yeso wayiti "NDINI", wayidzokerera zvidotawurwa ndiMwari kuna Mozisi paadovhunza kuti, Zita ranu ndiwani?" Mwari bvawati NDINI. Mwari wadonga waruti kuna Mozisi, Ndini wawungoda kuti ndiwe. Kana uyida kudzikinurwa, ndini mudzikinuri wako. Kana uyida ruponiso, ndini ruponiso rwako. Kana uyida kuporeswa,ndini kuporeswa kwako. Shinyi shawungoda? "NDINI"

Saka Yeso pawadoti, NDINI, wadonga warutawura zvimwezvo zvidotawurwa ndiMwari kuti Ndiri zvawungoda Wadowona mwamuna adonga asina madzisoba wayibva wati, " Ndini shiyedza shenyika ." Tondera zvingotawurwa ngeBhayibheri muna Matewu 6 ndima 22 naRuka 11 ndima 34 kuti," Shiyedza shemwiri hidziso". Saka Yeso wadonga waruti, Ndini madziso enyika. Pasineniba, nyika hayiwoniba." Wadobva wazvipangidza ipapo ipapo wayibva wapa mwamuna uyu madziso.

Zvino pane shina shingoshamisa maningi shidotawurwa ndiYeso wamwe iwawo. Muna Matewu 5 ndima 14 wadoti, "Muri shiyedza shenyika Zvirutawura kuti iwewe udofanana nawo, ungopa "madziso", kuwona kunyika! Pasineweba nyika hayikwanisi kuwonaba. Ndiwe ungopa gwara, kujeka ngekuwona kunyika. Kana zvinozvi, tawuritsa uyiti, Ndiri shiyedza shenyika!" Saka ukasongana ngemunhu asirufaraba, ungokwanisa kuyita kuti munhu uyu afare. Una munhu angokwanisa kuwa ngemadziso ashe ngekundosvika kwako basi. Anga arukonzwa angokwanisa kutopora. Hareruya!

Namata Uyiti
Baba wandingoda, mudondiyita shiyedza munyika inoyi. Mudondipa simba rekuwunza tarisiro,kupora ngerudzikinuro kune wadonditenderedza. Shiyedza shanu shingodzinga shidima. Ndingokutendani ngekundiyita shitubu sherudo ngepangokara rugare,mufaro,tarisiro ngekutenda kunyika irushupika. Mhukananyi uyu!; Ndingokutendani Baba. MuZita raYeso. Ameni.

Dzina Ndima Dzingotsinhira Shidzidzo Shenyamusi :
Matiyo 5 ndima 14 kusvika 16
Vaefeso 5 ndima 8
Vafiripi 2 ndima 15

(Chidzidzo ichi chatorwa kubva mu:
Rhapsody of Realities (Manyika)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church