Mazuwa EZvakanakisisa

Mugovera, 11 Ndira 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Wonai murimi unogarira michero inomutengo mukuru yenyika, echisengerera, metsa iashire mvura yokuamba neyokugumisira. (Jakobe 5 ndima 7 kuguma 8).

Mambo Jesu vakambotsanangura Mwari Baba. Vakavati ivo ndivo murimi wakhona. Vakati isusu tisu michero yenyika. Tisu muiri waKristu. Tisu michero iya yevakaemera. Jakobe unoronza zvimwezvo izvi. Ndizvo zvetaona mundima yetabeura nayo. Unoti murimi unoemera echisengerera metsa mvura yokutanga yanaya. Pamwepo nemvura yekugumisira. Izvi ndizvo zvetaerenga muna Jakobe 5 ndima 7.

Isuraeri yakatowana mvura yokugumisira iyi. Ndiyo yakanaya musi wadzaka Mweya Wakachena pavadzidzi vaJesu. Petro ndiye wakatiziisa izvi. Tinozviona mumazwi aakaronza musi wakhona. Tinoerenga mazwi akhona munaZvakaitwa 2 ndima 16 kuguma 17. Inoti, Mwari unoti, mumazuwa okugumisira kunozoitika kuti ndinozodurura Mweya wangu padera pevanhu veshe.. . Apa ndipo pakatanga kunaya mvura iyi. Yona mvura iya yaiya yazwi ichanaya pamazuwa okugumisira.

Hosea 6 ndima 3 inodzikisa ndaa iyi. Inoti, Ngatizie, ngatiangire kukwedzera kuti timuzie Mambo Mwari; kubuda kwake kwakagwinya kudai ngokuedza; unozouya kwetiri kudai ngemvura yokutanga inonaya, kudai ngemvura inodiridzira panyika. Apa Hosea une mvura yaari kuronza ngezvayo. Mvura iyi yakatumwa kuIsuraeri. Yakatumwawo kuChiara cheVamwari. KuvaIsuraeri yaiya yaa mvura yokugumisira. Asi kuChiara cheVamwari ndiyo yaiya iri mvura yokutanga.

Mvura yokutanga ndiyo inoshandiswa pakusima. Imvura inonaya mumashure mwekunge Izwi raMwari rasimwa. Ichiita kuti Izwi iri rimere. Rechizokura. Zvakaitwa yechipiri ndiyo inotitsanangurira kutanga kweChiara cheVamwari. Chiara ichi chakatanga pakadzaka Mweya Wakachena.

Hagai une runako rwaanoronza ngezvarwo. Urwu rwaiya ruri runako rwaipinda rwekaretu. Tinoerenga mazwi ake muna Hagai 2 ndima 9. Inoti, Uthende hwemhatso iyi hwakateera hunozopinda kukura kuno uhwo hweyokutanga. Mvura yokutanga yaiya yakanaka hayo. Asi inopindwa ngemvura yokugumisira. Mvura yokugumisira yakhona ndiyo yaa kunaya mumazuwa edu ano. Tiri kupona mumazuwa ezvakanakisisa. Simba raMwari rechanyanya kuonekwa paChiara cheVamwari.

Petro. NaJakobe NaJohani, vakapona mumazuwa okugumisira eIsuraeri. Isusu tiri kupona mumazuwa okugumisira eChiara cheVamwari. Isuraeri yakatowana mvura yayo yokugumisira. Asi mvura iyi ndiyo yaia yokutanga kuChiara cheVamwari. Mvura iyi yaa kuguma kumugumo wayo zvino. Isusu tisu tiri kuzoona kuguma kwemvura iyi. Hareruya!

Kumbira Weiti
Baba vendinoda. Ndinodakara kuzia kuti ndiri umweni wemichero yenyu. Iyo michero iya yamunokoshesa. Ndakadiridzirwa ngemvura yokutanga. Ndikazodiridzirwazve ngemvura yokugumisira. Ndinomubonga. Simba renyu riri kuonekwa muChiara cheVamwari. Riri kuonekwa pamazuwa ano okugumisira. Ndakagarwa ngeMweya wenyu nyamashi. Simba ravo ndiro rendiri kushandisa pakupona kwangu. Ndiri kubereka zvibereko zvokururama. Ndiri kuita mishando yokururama. Mishando iyi iri kutsandura zviro munyika muno. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mabasa 2 ndima 16 kusvika 17
Joere 2 ndima 23
Zekaria 10 ndima 1

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church