Njira Yemene Yetinosisira Kukumbira Ndiyo

Soto, 27 Kubvumbi 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Mukumbire nguwa dzeshe muMweya, nokukumbira kweshe nokupota. Muneizvi mumipinimidzo ngwarai nokusengerera kweshe nokukumbirira vakacheneswa veshe (VaEfesu 6:18)

Makristu anosisira kukumbira mumweya. Iyi ndiyo njira yemene yevanosisira kukumbira ndiyo. Kukumbira mumweya ndikwo kukumbira ngedzimweni ndimi. Iwewe ukakumbira ngendimi. Mweya wako ndiwo unenge uri kukumbira. Mipinimidzo yako inenge isina zveiri kudetsera pamukumbiro wakhona. Kune vanhu vanopona mumweya. Vanhu ava vanotanga vakumbira mumweya. Vozokumbira vechishandisa mipinimidzo yavo.

Asi vakawanda avakumbiri ngenjirayo. Vanonyanya kukumbira vechishandisa mipinimidzo yavo. Vozongokumbira ngendimi zvishoma. Izvozvo azvizi kunaka. Azvishandi. Karakadza ndima yetabeura ndiyo. Inotiziisa kuti kune mhando dzakawanda dzemikumbiro. Asi inoti tinosisira kukumbira ngendimi peshe petinokumbira ngemhando dzeshe idzi.

Izvi zvinoda kutodzana nezvingaronzwa ndidhokodheya. Iye angati, Imwa mutombo uyu peshe pounorya. Saka iwewe ungazorya hako kurya kwemhando dzakasiyana siyana. Asi unenge wakasisira kumwa mutombo wakhona peshe pounorya kudaro. Saka unosvusvura mangwanani. Wobva wamwa mutombo uya. Worya masikati. Wobva wamwa mutombo uya. Wozoryazve madeekoni. Womwazve mutombo uya. Unenge uri kumwa mutombo zvisinei kuti warya kurya kwemhandoyi. Izvi ndizvo zviri kuronzwa ndiMwari. Vanoti tinosisira kuereketa ngendimi zvisinei kuti tiri kukumbira mukumbiro wemhandoyi. Mukumbiro wakhona ungaa wekukumbirira vamweni. Kana kuti wetinoereketa sevanhu vanogonda ndiMwari. Kana kuti wekukumbira Mwari.

Phauri unojekesa izvi. Tinoerenga mazwi ake muna 1 vaKhorinte 14 ndima 13 kuguma 15. Inoti, Ngokuti kudai ndechikumbira ngendimi, mweya wangu unokumbira, asi mupinimidzo auzwisisi. Ndizvo ndinozoitenyi? Ndinozokumbira mumweya, ndechikumbira ngomupinimidzowo. . 1 vaKhorinte 14 ndima 2 inoti, Ngokuti uwo unoereketa ngendimi aaereketi kunevanhu asi kunaMwari; ngokuti apana munhu unomuzwa, asi unoereketa zvakafishika muMweya.

Zvijaidze kukumbira ngendimi. Kumbira ngendimi zuwa rimwe ngarimwe. Unosisira kutokoshesa kukumbira wechidaro. Unozonyisa zvinonesa mukupona. Kupona kwako kunozotsanduka. Uyezve apana ngozi inozongokharukha yakuwira. Muiri wako wenyama unozogara uchigwinyiswa. Uchivandudzwa ngesimba reVamwari. Rona simba riya rinoshanda mwouri kana uri kukumbira ngendimi. Saka utano hwako hunozovandudzwawo.

Kumbira Weiti

Baba vendinoda. Ndinomubonga. Mwakaita kuti ndikone kukumbira. Ichi chifumiso chikurutu. Chinondipa mukana wekuunza zvifumiso zvedenga munyika muno. Ndinokumbira mumweya. Ngokudaro mweya wangu unohambirana nezvemwakaronga imwimwi. Ndinomubonga. Kukumbira uku kunoita kuti ndinyise. Kunoita kuti ndikone kuita mushando wangu. Wona mushando uya wemurindi. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Judha 1:20
VaRoma 8:26
1 VaThesaronika 5:17


(Chidzidzo ichi chatorwa kubva mu ndima
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
You can get other teachings on: https://bit.ly/Shona_Church