Kupona Uri Muna Mweya Wakachena

Soto, 5 Chivabvu 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

“Kudai Mweya wouwo wakamusa Jesu kubva kwevakafa wechigara mukati mwenyu, uwo wakamusa Kristu kubva kwevakafa unozoponesazve miiri yenyu inofa ngoMweya wake unogara mukati mwenyu” (VaRoma 8 ndima 11).

Munhu ungada kurarama kupona kweChikristu. Munhu uyu unosisira kua neMweya Wakachena. Zvisirizvo aangakoni kurarama kupona uku. Ungaedza hake kukupona. Asi zvinozongoa zvetsika zvega. Jesu vaia nevadzidzi vavo. Vadzidzi ava vaisisira kua neMweya Wakachena. Vona Jesu vaisisira kua neMweya Wakachena. Vakacheneswa vokutanga vaisisira kua neMweya Wakachena. Nesuwo tinosisira kua neMweya Wakachena.

Mweya Wakachena vari mwetiri. Asi kune vanofunga kuti varipo kuti tierekete ngendimi zvega. Izvozvo azvisirizvo. Mweya Wakachena vane mishando yevanoita mwetiri. Mishando iyi yakawanda. Imweni yakhona vanoiita mwetiri. Imweni vanotiitira. Imweni vanotishandisa kuiita. Tine zvetaerenga mundima yetabeura ndiyo. Iwewe chimbofunga ngepadera pazvo. Zvona zvokuti Mweya Wakachena ndivo vanoraramisa miiri yedu yenyama. Vechiita kuti isafa. Kuronza kuti apana chako chinosisira kufa. Mweya Wakachena ava vanogara mwouri. Ndivo Mwari vanoraramisa zviro. Hareruya!

Vakawanda vakamboemba ndima yetabeura ndiyo iyi. Asi avazi kumbozia zveinoronza. Izwi raMwari rinosisira kuashirwa. Saka imbofunga ngepadera peizwi iri. Rona rinoti Mweya vanogara mwouri. Mushando wavo uri wokuraramisa muiri wako wenyama. Vechiita kuti usafa. Ndizvo iwewe unosisira kuronzawo. Uchiti, “Muiri wangu unopona. Waa wengazi yaMwari. Ndizvo ndinogara ndiri mutano. Muzina raKristu Jesu. Ameni.”

Mwari vanoda kuti unge wakashinga. Usikatyi rufu. Ita zvaiya zvakaita Phauri. Phauri une nyoka yakamuruma. Nyoka yakhona chaia chikara. Asi Phauri aazi kuvhunduka. Vanhu vaitarisira kuti uchafa. Asi iye aazi kufa. Wakazunzira nyoka yakhona muchoto. Phauri une zvaaiya echizia. Waizia kuti waia neMweya Wakachena. Ndizvo apana chaikona kumuremadza.

Dangani iwewe wakabarwa kechipiri. Izvi zvinoronza kuti auchisiri wedzinza revanhu vomunyika muno. Waa wedzinza remudenga. Ndizvo waa kupona zvemhera nariini. Azvichaiti kuti uparadzwe. Azvichaiti kuti unyiswe. Nokuti kukurirwa. Nokuti kufa! Aya ndiwo mapinimidziro ewaa kusisira kuita. Mweya Wakachena ndivo vaa kukuraramisa. Izvi ndizvo zvinoronza Bhaibheri. Rinoti Kristu vaa mukati mwako. Muiri wako wenyama unokona kunge waiya wakafa hawo. Muiri uyu unokona kunge wakauraiwa ngechishaishi. Asi Mweya Wakachena waa kuuraramisa. Vanouraramisa ngendaa yokururama. Tinoerenga izvi muna vaRoma 8 ndima 10. Iwewe wakatsanduka dzinza. Waa wengazi yeVamwari. Izvozvo ndizvo zvounosisira kugara uchikarakadza.

Kumbira Weiti
Baba vendinoda. Ndinomubonga. Mune kupona kwemwakandipa. Uku kupona kwokugara ndeinyisa. Mwakandidusa mundau inofa zviro. Mukandipinza mundau inopona zviro. Ndizvo azvichaiti kuti ndiparadzwe. Rufu aruchakoni kunditonga. Zvinoparadza zvomunyika muno azvichandikoni. Ndaa munhu wengazi yeVamwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaRoma 8 ndima 10 kusvika 11 ESV
Johane 1 ndima 12 kusvika 13
2 Timoti 1 ndima 9 kusvika 10

(Zvetafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church