Vona Vanokudetsera Kunasirira Zvichauya

Mugubera, 10 Chivabvu 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Wakavatungamirira ngenjira yakarurama, metsa vaguma mudhorobha rokugara (Nduyo 107 ndima 7).

Mwari ndivo vakabudisa vana vaIsuraeri muEgipite. Vakavaendesa kunyika yevaiya vavagondisa. Asi avazi kuvapfuudza ngomunyika yevaFiristia. Njira iyi ndiyo yaia fupi hayo. Asi vaIsuraeri ava vaiya vari zvibotshwa muEgipite. Ndizvo vaiya vasati vakamborwa hondo. Vaiya vasikazokoni kuemesedzana nevaFiristia. Vaizovatiza.

Saka Mambo vakavaendesa ngenjira yokutenderera. Iyi injira yaipfuura ngepaRuandhle Rwakatsvuka. Ichizondopinda ngomushango. Munjira iyi ndimwo mwevakaona zvishamiso. Mwari vakavapa zvokurya. Nezvokusimira. Mwari vakaonawo nguwa yokuzvionesa kuvaIsuraeri munjira iyi. Vakazvionesa soMurapi wavo. Vakazvionesawo soMuushi wavo. VaIsuraeri ava vakazoshongana nehondo. Apa vaiya vanasirira. Vakabva vazia Mambo Mwari soMurwiri wavo.

Izvi zvinoronza kuti Mwari vanonasirira vanhu vavo. Vanotanga vavadetsera kugonda ndivo. Vozovarekera vechishongana nezviro zvingavarwisa. Pangaa nezviro zviri kuitika mukupona kwako. Zviro zvakhona zvingasaa zvakakunakira. Saka ungatama kuti ngenyi zviri kuitika. Dangani waa nenguwa wabarwa kechipiri. Uyezve unodira yaamho. Asi une zviro zvisati zvakuemera zvakanaka. Usaneseka hako. Mwari vanokona kunge vachiri kukubika. Ndizvo gonda ndivo. Ereketa weiti, Inini ndichiri kufunda. Uyezve ndiri kukura. Saka ndichaguma! Mwari ngavakudzwe saMwari!

Ndinokarakadza ndeiita vhuserero rangu rekutanga. Ndaiya ndichine makore gumi nemashanu. Ndaiya ndambotanga ndeipinda mumhatso dzevanhu. Ndeichumairira vanhu. Ndeichumairira vendaishongana navo. Ndeichumaira kumishando. Nomuzvikoro. Ndeichumairirawo vanhu vezera rangu. Avasiri veshe vaiashira mazwi angu. Asi andizi kuneseka ndizvo. Ndaida kungoita zvakapangwa ndiJesu. Vona vakatiti tichumaire.

Vakawanda vaiashira mazwi angu. Vechiponeswa. Asi avaenzani nevandaa kuchumairira izvozvi. Inga ndisikakoni kuereketa kuvanhu vakawanda panguwayo. Mwari vaisandiunganidzira zviuru makumi mairi zvevanhu panguwa imweyo panguwa iyi. Ndaisisira kutanga ndambobikwa. Ndambokura. Kuereketa kuvanhu vakawanda kudaro mushando wakakura. Unoda munhu akabikwa. Unoda munhu akura. Asi izvozvi ndakura. Ndaa kuereketa kuzviuru zvezviuru zvezviuru zvevanhu panguwa imweyo.

Isusu tinowanzoda kuti zviro zvirumbe. Ndiyo ndaa midziyo yemazuwa ano ichirumba yaamho. Asi Mwari avashandi veidaro. Vona vakagara varipo. Ndivo Mutana weMakore. Vane mashandiro avo. Vane nguwa yavo. Uyezve vane zvevakananga. Ndizvo vanotanga vatinasirira. Vechiita kuti tikone kuemesedzana nezvichauya mangwani.

Kumbira Weiti

Baba vendinoda. Ndinomubonga. Munonditungamirira ngenjira yendinosisira kuhamba ndiyo. Mwechindinasirira kuti ndizonyisa zvendinoshongana nazvo. Ndeiita zviro zvinokudakadzai imwimwi. Ndinogonda ngemazano enyu. Ndinoshanda ngenguwa yenyu imwimwi. Ndeikura. Unyanzvi hwangu huchitutsira. Kuti ndikone kurarama kupona kwemene kwemwakandirongera. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Ekisodho 13 ndima 17 kusvika 18
Varoma 5 ndima 3 kusvika 4
Jakobo 1 ndima 2 kusvika 4

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church