Atichafi

Chitatu, 21 Chivabvu 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Ringirai, ndinomuronzera zvakafishika! Atizofi teshe, asi tinozotsandudzwa teshe (1 VaKhorinte 15 ndima 51).

VaHebheru 9 ndima 27 inoti, Kudai ngezvekwakaemeserwa kuvanhu kufa kamwe, ngesure kwazvo kutongwa. Vakawanda avazwisisi ndima iyi. Vanofunge kuti inoronza kuti munhu weshe unosisira kufa kamwe kega. Asi izvi azvisirizvo zveiri kuronza. Inoronza kuti apana munhu unofa kairi. Ndiyo ndaa Kristu vakafa kamwe kega. Vechifira munhu weshe. Avazi kusisira kufa kakawanda.

Ndizvo Kristu vakafa kamwe kega. Haiwa ngokuti munhu weshe unosisira kufa kamwe kega. Asi ngokuti munhu aakoni kufa kairi. Hino rufu rwakazoduswa. Rwakaduswa ngeVhangeri raJesu. Izvi ndizvo zvetinoona muna 2 Thimothi yokutanga ndima yegumi. Inoti Kristu Jesu vakadusa rufu. Vakaita kuti zvikoneke kuti vanhu vasafa. Vakashandisa Vhangeri ravo kuita izvi. Hino kune vanhu vari muna Kristu. Vanhu ava avachafi. Iri ndiro gwinyiso.

Asi kune vanopokana neizvi. Vanototi apana munhu anokona kunzvenga rufu. Vechitoti vakamboruposha vanosisira kurupetukira. Enokhi ndiye umweni akaposha rufu. Erija ngoumweni wakhona. Vanoti vairi ava vanosisira kupetuka munyika. Vozofa. Asi izvi azvina zvezvinoronza. Zvinopesana nezvinoronza Vhangeri. Uyezve zvinopesana nezvakaitwa ndiKristu. Kristu vakanyisa rufu. Izvi ndizvo zvetinoona muna Johani 11 ndima 25 kuguma 26. Inoti, Inini ndiri kumuka nokupona; uwo unonditenda kunyazwi afa, unozoponazve, nouwo unopona echinditenda, aatongozofi. Unotenda ichi ere?.

Tinosisira kuzwisisa zvinoronza kupona kusikaperi. Kunoa kupona kweVamwari. 1 Johani 5 ndima 13 inoti, Ndanyora izvi zviro kwomuri imwimwi vanotenda muzina roMukororo waMwari, kuti muzie kuti munakwo kupona kusikaperi. Kupona kusikaperi kupona kweVamwari. Hunhu hwaMwari. Hunhu uhwu hunoiswa mumweya womunhu. Hunoiswamwo paya paanobarwa kechipiri. Iwewe ungaa wakabarwa kechipiri. Izvi zvinoronza kuti waa wedzinza raMwari. Ndizvo pona somunhu anozia kuti aachafi.

Iwewe unosisira kuzwisisa izvi. Ndikwo kuti ukone kurarama kupona kwemene kwewakarongerwa ndiMwari. Rufu rwakanyiswa. Iwewe waa kusisira kusafa. Vakacheneswa vanosisira kutanga vazwisisa izvi. Ndipo pevanozobvutwa. Hino Vakacheneswa vaa kuzvizwisisa.

Kumbira Weiti

Baba vendinoda. Ndinomubonga. Inini ndaa muna Kristu. Ndizvo mwakanditsandura dzinza. Mukandiita munhu wedzinza reVamwari. Ndakaashira Vhangeri. Ndizvo rufu aruchakoni kunditonga. Andichafi. Ndinopona seMumwari. Ndechingogara ndechimirudzirwa. Ndechihambira mberi. Imwimwi mwechikudzwa ngendaa yazvo. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
1 Johane 5:11-12
1 VaKorinte 15:53-57
VaRoma 8:10-11

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church