Ndiwe Unopa Kujeka KuNyika Ino

China, 5 Gunyana 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Naapo ndichindorimwo munyika, ndiri kujeka kwenyika (Johani 9 ndima 5).

Raiya riri rimweni zuwa. Jesu vaiya vari kuhamba havo. Vakabva vaona umweni murume. Murume uyu waiya ari bofu. Waiya akatobarwa ari bofu kudaro. Apa Jesu vaiya vane vadzidzi vavo. Vadzidzi ava vakabva vabvunza Jesu. Vaida kuzia kuti ngenyi murume uyu waiya ari bofu. Ndiye waiya akashaisha ere? Kana kuti vabereki vake ndivo vaiya vakashaisha? Jesu vakavapingura. Vakati upofu uhu hwaiya husinei nezvishaishi zvevanhu ava. Izvi ndizvo zvetinoona muna Johani 9 ndima 3 kuguma 4 yakhona. Asi Jesu vakabva vaereketa amweni mazwi. Mazwi akhona anoshamisa yaemho. Tinoaona mundima yechishanu yakhona. Inoti, Naapo ndichindorimwo munyika, ndiri kujeka kwenyika.

Jesu vakabva vaita chimweni chiro. Chiro ichi chaishamisa yaemho. Vakapfira pashi. Ndokubva vakanya mavhu. Ndokubva vatora mavhu aya. Ndokuazora pamadziso emurume uyu. Kune vanhu vakatsvaka kunyasa kuzwisisa ndaa iyi. Vanhu ava vanoti murume uyu waisangoa bofu zvega. Waiya asitorina madziso akhona. Kuronza kuti Jesu vaiya vatsandura mavhu. Vakaaita kuti ave madziso. Vakaita izvi mushure mwokunge vati, Naapo ndichindorimwo munyika, ndiri kujeka kwenyika. Unozia zvinoronza mazwi aya ere?

Jesu vaisishandisa mazwi anoti, NDIRI. Peshe apa vaiya vari kuronza zvaiya zvamboereketwa ndiMwari. Mwari vaiya vamboshandisazve mazwi aya. Vakaashandisa pevaiya vari kuereketa naMosi. Mosi waiya avabvunza zina ravo. Mwari vakabva vamupingura. Vakati, NDINI UYA ASIKATSANDUKI. Apa Mwari vane zvevaiya vari kuronza kuna Mosi. Vaiya vari kumuti, Ndinoa zvounoda kuti ndive. Ukada kusunhurwa. Inini ndinobva ndaa musunhuri wako. Ukada kuponeswa. Inini ndinoa ruponeso rwako. Ukada kuporeswa. Ini ndinoa kuporeswa kwako. Chiinyi chemene chounoda? ININI NDINI ZVOUNODA IZVOZVO.

Hino Jesu vakatiwo, NDINI. Vaiya vari kungoereketawo saMwari. Vaiya vari kuti, Ndinoa zvounoda kuti ndive. Vona vakaona murume. Murume uyu waiya asina madziso. Vona vakabva vati, Ndiri kujeka kwenyika. Bhaibheri rinoti, Dziso chibani. Ndiro chibani chomuiri. Izvi ndizvo zvetinoona muna Mateu 6 ndima 22. NaRuka 11 ndima 34. Ndizvo Jesu vaiya vari kuti, Ndini madziso enyika ino. Nyika inosisira kua neni. Zvisirizvo aingakoni kuona. Jesu vakabva vatoonesa kuti ndivo madziso enyika zvegwinyiso. Vakabva vapa murume uyu madziso.

Asi hezvinoi zvinoshamisa zvakhona. Jesu ava vane mazwi evakazoereketa. Tinoaerenga muna Mateu 5 ndima 14. Vakati, Imwimwi muri kujeka kwenyika. Kuronza kuti iwewe wakatodzana navo. Newewo unopa nyika madziso. Unoita kuti nyika ikone kuona. Nyika inosisira kua newe. Zvisirizvo aingaoni. Iwewe ndiwe unopa nyika gwara. Ndiwe unoita kuti ione zvakajeka. Ndizvo chiereketa uchiti, Inini ndini kujeka kwenyika ino. Ndizvo ungashongana noumweni munhu. Munhu uyu ungaa akasurukirwa. Unokona kumusiya aa kudakara. Pangaitawo umweni munhu. Munhu uyu ungaa bofu. Iwewe ukaguma paari unokona kusara aa kuona. Umweniwo ungaa ari kurwara. Munhu uyu unokona kusara apora. Hareruya!

Kumbira Weiti
Baba vendinoda. Mwakandiita kujeka munyika muno. Mwakandishongedza. Ndizvo ndaa kukona kuita kuti vanhu vave netariro yezvakanaka. Ndaa kukona kuporesa vanhu. Nokuvasunhura. Kujeka kwenyu kuri mwendiri. Kujeka uku kunodzinga chidima. Ndinomubonga. Mwakandiita chitubu chorudo rwenyu. Pendiri paa kuwanikwa runyararo. Kudakara. Tariro. NeIzwi raMwari. Nyika yaa kukona kuwana zviro izvi pendiri. Inozviona kunyazwi munyika mune ngozi kudaro. Ndinomubonga Baba. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Matiyo 5 ndima 14 kusvika 16
Vaefeso 5 ndima 8
Vafiripi 2 ndima 15

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church