TORA Nyasha Dzeshe Dzounoda

Chitatu, 2 Gumiguru 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Kudai, ngokuti munhu umwe wakashaisha, rufu rwakatonga kubudikidza ngomunhu umwe, kakurutu avo vanoashira ngokuwanda kwenyasha nechipo chokururama vanozotonga mukururama kubudikidza ngomunhu umwe, Jesu Kristu (VaRoma 5 ndima 17).

Mundima iyi mune izwi rinoti kuashira. Izwi iri rinoturikirwa kubva kuizwi reChigiriki. Izwi reChigiriki rakhona rinoti, Lambano. Izwi iri arironzi kuashidzwa chiro. Uchichiashidzwa wakaema. Andizvopi. Rinoronza kutora chiro. Unochitora kudaro uchibva wachiita chako. Hino Bhaibheri raronza ngepadera pevamweni vanhu. Vanhu ava ndivo vaya vanoashira nyasha. Vanodziashira dzakawanda. Vanoashirawo chipo chokururama. Vanhu ava ndivo vanotonga mukururama. Izvi ndizvo zvinoronza Bhaibheri.

Iwewe unoda nyasha dzakawanda zvakadini? Uyezve unoda kushandisa nyasha dzakhona kuitenyi? Mambo vari kuti kwouri, Tora hako nyasha dzakhona. Tora dzeshe dzounoda. Izvi zvinotikarakadzisa amweni mazwi aPhauri. Waiya ari kuereketa kuna Thimothi. Tinoerenga mazwi akhona muna 2 Thimothi 2 ndima 1. Inoti, Iwewe zvino mwana wangu, ita wakagwinya munyasha dziri muna Kristu Jesu. Ndizvo Thimothi waiya echisisira kutora nyasha dzaMwari. Waiya echisisira kutora dzeshe dzaaida. Ndikwo kutora kwetinosisira kuita nyasha. Tinosisirawo kutora kururama kwaMwari. Asi takatopimirwa kururama uku. Munhu weshe unopuwa kururama kwakaenzana nekweamweni. Akuna unotora kwakawanda kupinda kweamweni.

Ndizvo usashingaira uchitsvaka kua munhu akarurama. Akuna kwounoguma kana ukadaro. Aukoni kua wakarurama ngenjirayo. Ashira kururama kwavo ivo. Tora kururama kwavo ivo. Uzotorawo nyasha. Nyasha unosisira kuita dzokutora dzakawanda. Uyezve unosisira kudzishandisa muzviro zveshe zvokupona kwako. Dzimweni nyasha dzakhona dzingaa dzokushandisa kumushando kwako. Dzimweni dzingaa dzokuti uve nyanzvi pamitambo yako. Tora nyasha dzeshe idzi. Uve mhare yemene. Vanhu vanosisira kuguma pakushamiswa ndiwe. Izvozvo ndizvo zvounoshuwirwa ndiMwari.

Shandisa nyasha dzavo pakupona kwako. Mwari vanobva vadada ndiwe. Vechitsvaka kuti vanhu vomunyika ino vakuone. Mwari vanozokuonesawo kungirosi. Nokumasimba eshe. Izvi ndizvo zvetinoona muna VaEfesu 3 ndima 10. Inoti, Kuti kubudikidza ngechiara uhwo ungwaru hwaMwari muzviemo zvakaparadzana zvino huziikanwe kuvatongi nevane simba mundau dzomudenga. Hareruya!

Kumbira Weiti
Baba venyasha. Ndinomubonga. Nyasha dzenyu dziri kushanda mukupona kwangu. Ndidzo dziri kuita kuti ndibudirire pane zveshe zvendinoita. Dzechiitazve kuti ndirarame kupona kwendakarongerwa ndiMwari. Nyasha ndidzo dzinotungamirira zveshe zvendinoita. Ndizvo nyika inoshamiswa ndini. Nyasha idzi dzinogara dzechitutsira mukupona kwangu. Dzinotutsira pendinotutsira kuzwisisa Izwi raMwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Vaefeso 2 ndima 8 kusvika 9
Vahebheru 4 ndima 16
2 Vakorinde 9 ndima 8

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church