Tinoshanda Pamwepo NaMwari

Muvhuro, 6 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ngokuti tiri vashandi pamwepo naMwari; imwimwi muri munda waMwari. Imwimwi muri mhatso yaMwari (1 VaKhorinte 3 ndima 9).

Iwewe unosisira kuwirirana naMwari panezveshe. Unosisirawo kushanda navo pakutenderusa vanhu. Izvozvo ndizvo zvinoonesa kuti mweya wako waaruka. Uyezve kuti uri kushandisa mazano aMwari pakupona kwako. Unenge waa kuzwisisa kuti ndiwe waa kushanda navo. Unoshanda navo pamishando yavo yomunyika muno. Ivo ndivo vakakupinza muna Kristu. Vaiya vasiri kungotsvaka kuti upukunyuke kurangwa. Vane mushando wevaiya vakakunasirira. Uyu mushando wokuunza vanhu munyika yaMwari. Unoshanda pamwepo naMwari kuita mushando wakhona.

Mushando uyu ngewokugumisa Vhangeri kuvanhu. Ndizvo muka uite mushando uyu. Uwowo wokuziisa vanhu ngezvaKristu Jesu. Izvi ndizvo zvetinoona mutsamba yechipiri kuvaKhorinte chitsauko chechitatu ndima yechishanu kuguma yechitanhatu. Inoti, Haiwa kuti isusu pachedu tagutswa, kuti tironze chiro kuti chinobva kwetiri, asi kugutswa kwedu kunobva kunaMwari, uwo wakatiita vanokona kuita vashandiri vechitenderano chitsva; . Tsamba yokutanga kuvaKhorinte chitsauko chechirongomuna ndima yokutanga kuguma yechipiri inotiwo, Munhu ngaapinimidze tisu kuti tiri vashandiri vaKristu nevangwariri vezvakafishika zvaMwari. Kuneizvi kunotsvakisiswa kunemungwariri kuti aite unogondeka. Ndizvo ita mushando uyu. Uwowo wokupetudza vanhu kunaMwari. Uite ngomwazvo. Uchitsvaka kuti ubude zvakanaka.

Mambo vakatoronza. Mazwi avo tinoaerenga muna Marako yegumi nechitanhatu ndima yegumi nechishanu. Vakati, Endai munyika dzeshe, muchumaire vhangeri kunezvisikwa zveshe. Ndizvo iwewe auchasisiri kubvunza weiti, Mambo woye! Chiinyi chomunoda kuti ndiite? Ivo vakatotipa mushando wokuita. Tsamba yechipiri kuvaKhorinte chitsauko chechishanu ndima yegumi nechisere inoti, Zveshe izvi zvinobva kunaMwari, uwo wakatiiyanisa kwaari kubudikidza ndiKristu, naye wakapa kwetiri mushando wokuiyanisa.

Koshesa mishando yaMwari. Tenderusa vanhu zuwa rimwe ngarimwe. Mare yako ngaidetsere pamishando yaMwari. Kune vanhu vasati vazia Mambo. Kumbirira vanhu ava. Vakumbirire ngomwoyo weshe. Iva neshungu sedzaMwari. Ivo vane mwoyo unotsengerera. Ndizvo vanotsvaka kuti munhu weshe aponeswe. Avana wevanoda kuti aparare. Vanoda kuti munhu weshe atenderuke. Izvi ndizvo zvetinoziiswa mutsamba yechipiri yaPetro chitsauko chechitatu ndima yechipfumbamwe.

Tsamba yechipiri kuvaKhorinte chitsauko chechishanu ndima yegumi nerongomuna kuguma gumi nechishanu inoti, Ngokuti rudo rwaKristu runotionga; ngokuti tinozia kuti umwe wakafira veshe; ndizvo veshe vakatofa. Naye wakafira veshe kuti avo vanopona vasachadziponera pachavo, asi kuti vaponere kunouwo wakafa ngendaa yavo, akamuswazve. Ndima iyi inoronza ngezvokuponera Mwari. Izvi zvinoronza kuponera kuita mishando yavo. Zvinoronza kutsamwirira mishando yavo. Mwoyo wako uchikoshesa mishando yavo. Maoko ako echivashandira. Mirenje yako ichihamba munjira dzavo.

Kumbira Weiti
Baba vendinoda. Ndinomubonga. Mwakaita kuti ndibate pamwepo nemwi mumunda wenyu. Ndinoshandisa mazano aMwari pakupona kwangu. Ndechiita zvinokudakadzai zvemene. Ndechiona ngemaonero enyu. Ndakazvipira kumushando wenyu. Ndechibudirira pane zveshe zvomunoda. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
2 Vakorinde 5 ndima 18 kusvika 20
1 VaKorinte 3 ndima 9 NIV;
Johane 20 ndima 21

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church