Pane Mipango Inoshandiswa Pakukumbirira Vanhu

Muvhuro, 11 Mbudzi 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Ndikarakadzise; ngatiphikisane, isa ndaa yako pamberi kuti upembedzwe (Isaya 43 ndima 26).

Isusu tingaa tiri kukumbira. Zvikuru sei techikumbirira vamweni vanhu. Tinosisira kukona kukakavara. Teipupurira vanhu ava. Ndikwo kuti mikumbiro yedu iyi iashirwe.

Mikumbiro inosiyana. Kune mukumbiro wokukumbirira vanhu. Kune mukumbiro wokutora zvetakapuwa karetu. Isusu tingaa tiri kutora zvetakapuwa karetu. Apa atikumbiri kakawanda. Tinongokumbira kamwe kega. Tototora zviro zviya. Asi tingaa tiri kukumbirira vamweni vanhu. Tinosisira kuita zvokugombedzera. Teidembera. Zvisirizvo zviro zvingashatira vanhu vakhona.

Ndizvo iwewe unoenda kunaMwari. Uchienda kwevari wakaemerera munhu wouri kukumbirira wakhona. Weikumbirira munhu uyu. Uchimupupurira. Uchitsanangura kuti ngenyi munhu uyu echisisira kudetserwa. Ndiyo ndaa uchisisira kuzwisisa zvinodiwa pamukumbiro uyu. Ausiri mukumbiro wekungogumisa kunaMwari. Tinenge teisisira kuzwisisa mipango yawo. Pamwepo nezveinotitendedza kuita kudetsera vanhu ava.

Ndizvo fundira kuemerera vanhu. Ziisa Mwari zvinodikanwa ngevanhu ava. Tsvaka kuzwisisa Izwi raMwari. Ndikwo kuti ukone kurishandisa kukumbirira vanhu ava. Karakadza zvakaronzwa ndiMwari. Zvona zviya zvetinoerenga muna Isaya 41 ndima 21. Inoti, Budisai ndaa yenyu, unoronza Mambo Mwari. Budisai zvizatho zvenyu zvinesimba, unoronza Mambo waJakobe. Vakazoereketazve muna Isaya 43 ndima 26. Vakati, Ndikarakadzise; ngatiphikisane, isa ndaa yako pamberi kuti upembedzwe. Mwari vanozwa mikumbiro yedu. Uyezve vanotipa zvetinenge takumbira zvakhona. Izvi ndizvo zvetinozwisisa. Izwi raMwari ndiro rinotiziisa izvi. Mwari ngavakudzwe!

Kumbira Weiti
Baba vakarurama. Ndinomubonga. Mwakaita kuti ndikone kukumbirira vanhu kwomuri. Ndechivakumbirira kudaro sezvinoronza Izwi renyu. Ndinomubonga. Inini ndaa munaKristu. Ndizvo ndaa nemvumo yokuita kuti zvinokudakadzai zviitwe munyika muno. Zvechiitwawo mukupona kwevanhu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Jakobe 5 ndima 16
1 Thimothi 2 ndima 1
VaHebheru 7 ndima 25

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church