Ukukhuluma Imfihlo EMoyeni

Tuesday, 15 April 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ngoba okhuluma ngendimi kakhulumi ebantwini, kodwa kuNkulunkulu, ngoba kakho ozwayo, kanti ukhuluma izimfihlo ngomoya (1 AbaseKorinte 14:2).

Ubukwazi yini ukuthi ukuthi uma ukhuluma ngezinye indimi, ukhuluma imfihlo? imfihlo lezi ziyakwanisa ukuba ngezempilo yakho, umsebenzi, imhuli, loba izinqumo zakho zakusasa. Ngakho-ke, imfihlo lezi azizwisiswa ngengqondo yomuntu. Yikho okwenza ukuthi isipho sokuzwisisa imfihlo lezi sidingakala. Ngesipho sokuzwisisa, uyenelisa ukuzwisisa imfihlo lezi njalo ubekwazi okutshoyo.

Okuzwisa ubuhlungu kakhulu, yikuthi amakristu amanengi kakabambi ngokugcweleyo amandla okukhuluma ngendimi njalo abakutholayo, ababoni isidingo sokuzwisisa imfihlo lezi. Uma ufuna ukubakwazi ulutho ngempilo yakho, khuluma ngendimi. Ungayenza njalo, ukhuluma imfihlo, njalo ungazwisisa indimi lezi, uzazwisisa okutshengiswa nguMoya.

Akumelanga sibe emnyameni ezintweni zonke empilweni. Sikhuluma imfihlo, njalo uMoya oNgcwele uyasincedisa ukuthi sizizwisise. 1 AbaseKorinte 2:6-11 ithi, kodwa sikhuluma inhlakanipho kaNkulunkulu eyimfihlo, eyayifihliwe, uNkulunkulu ayimisa ngaphambili kungakabi lomhlaba kube yinkazimulo yethuNgob ngubani ebantwini owazi okomuntu ngaphandle komoya womuntu okuye? Ngokunjalo okukaNkulunkulu kakwaziwa muntu, ngaphandle koMoya kaNkulunkulu.

Ingani kuqakathekile lokhu? Ngoba uma ukhuluma ngendimi lokuzwisisa, kulingana lokuprofetha. Ngakho-ke, siletha ukuhlakanipha kukaNkulunkulu emfihlweni ngesabulo sethu sokuprofetha, loba kuza kithi ngendimi esenelisa ukuzizwisisa. Kungwesikolo sakho yini, kumbe uhambo, kube okwabantwana bakho? Kungwokwemali yakho yini, umsebenzi wakho, kumbe ucabanga ukuhamba emzini omutsha njalo ufuna ukubakwazi intando kaNkulunkulu? Khuleka ngendimi njalo uzakhuluma imfihlo. Uyenelisa ukubakwazi intando kaNkulunkulu endaweni ezitshiyeneyo zempilo ngokukhuluma ngendimi.
Umkhuleko
Baba othandekayo, ngiyakubonga ngesibusiso sokukhuluma ngendimi njalo lokukhuluma imfihlo uMoya oNgcwele enginika ukuzwisisa intando yakho ngokwempilo yami. Ngiyayamukela ukuhlakanipha okungazwisisekiyo ezintweni zonke, njalo ngiyakhuluma ukuthi amandla oMoya asebenza kimi, ngiletha ukusiliswa, amandla, najlo lokuphumelela, eBizweni likaJesu. Ameni.

Qhubeka Ngembalo
1 AbaseKorinte 14:14-15
1 AbaseKorinte 2:9-10
AbaseRoma 8:26-27


(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church