Uyakulungiselela Akufundise

Saturday, 10 May 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Wabahola ngendlela eqondileyo baya endaweni lapho ababengahlala khona. (AmaHubo 107:7)

Lapho uNkulu ekhipha abantwana bakaIsrayeli eGibhithe, kazange abaholele endleleni yabaFilistiya noma kwakuseduze ukuhamba ngaleyo ndlela. Lithi iBhayibheli, uNkulunkulu kazange abaholele kuleyo ndlela ngoba wayesazi ukuthi abantu laba abakalungiselelwa, abakafundeli impi. Babezobaleka nxa behlaselwa yisitha. Babekade beyizigqili eGibhithe, bengafundiswanga, bengalungiselelwanga ukulwa izimpi.

Ngenxa yalokho, uNkulunkulu wabahambisa ngendlela ende edlula ngasenhlane laselwandle olubomvu lapho ababona khona amandla kaNkulunkulu baba ngofakazi bokunakekela kwakhe. Ohambeni lwabo lolu, uNkulunkulu wazibonakalisa kubo ngegama elithi Jehova Rafa, umelaphi wezifo, uJehova Rohi, umalusi wabo. Kwathi lapho sebehlangana lempi, bambiza ngoJehova Nissi, ifulaha yabo ebalwelayo.

Lokhu kubonakalisa ukuthi, uNkulunkulu uyakwakha akulungiselele okuphambili, aqinise ukukholwa kwakho, lokwethemba kwakho kuye ngaphambi kokuthi ungene enkalweni ezinzima. Kwesinye isikhathi ungazibuza ukuthi kungani wena usehlelwa yizinto ezithile empilweni Yakho. Mhlawumbe usuleminyaka ethile wazalwa kutsha, kodwa kusasekhona izimo ezingazwisisekiyo empilweni Yakho, lawe kawuzwisisi ukuthi kanti kwenzeka njani noma uthandaza. Khululeka, wethembe ukuhola kwakhe. Khuluma ngomlomo wakho, uthi, Ngiyafunda, ngiyakhula, ngisendleleni! Mayidunyiswe iNkosi!

Ngisakhumbula ngize ngibe lomhlangano wami wokuqala wokusthumayela iVangeli, ngangileminyaka elitshumi lanhlanu. Ngaphambi kokuthi umhlangano uqale, ngangena umuzi munye ngamunye ngibanxusa, ngakhuluma labantu ezindleleni, ngisabelana labo ivangeli. Ngatshumayeza abasebenzi ngezikhathi zabo zekhefu, ezikolweni, abantwana abancinyane, lababe ngani bami. Kayisibo bonke abangilalelayo. Kodwa akuzange kungihluphe lokhu, uJesu wathi sitshumayele mina ngenza njalo.

Noma ngangibona impumela enhle ekhuthazayo ngaleso sikhathi, kwakukuncinyane kakhulu kulalokho esikubona namhlanje, ngoba kwakusamele ngikhule. uNkulunkulu kazange aqale ngokungibuthanisela abantu abayizinkulungwane ezingamatshumi amabiliukuze ngibatshumayeze ngesikhathi sinye, ngoba ngangingakakulungeli lokhu. Ukuthi ngifike kulelobanga kwakusamele ngikhule. Kodwa namhlanje sengitshumayeza izigidi lezigidi zabantu ngasikhathi sinye.

Ezikhathini ezinengi siyabe sifuna izinto zenzeke masinyane, Akunjalo? Kungakho sisakha izimota ezigijimayo. Kodwa uNkulunkulu ngumdali wezinsuku. Usebenza ngezindlela zakhe ezimisiweyo lakudala, esilungiselela okuphambili.

Umkhuleko
Baba othandekayo, ngiyabonga ngokungihola kwakho ndleleni okumele ngihambe ngayo ungilungiselela impilo yokunqoba lobuhle osungibekele yona phambili. Ngiyakwethemba ukuhlakanipha kwakho lokuhlela kwakho ukuze ngigcwalise ubizo lwempilo yami. NgeGama likaJesu. Ameni.

Qhubeka Ngembhalo
Exodus 13:17-18
Romans 5:3-4
James 1:2-4

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church