Izisebenzi Kanye Laye Emsebenzini Wasezulwini

Monday, 6 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Thina siyizisebenzi kanye loNkulunkulu; lina liyinsimu kaNkulunkulu, isakhiwo sikaNkulunkulu.
(1 AbaseKhorinte 3:9)

Enye yezintu eiqakathekileyo kakhulu ekukhuleni emoyeni, lasekusebenziseni ukuhlakanipha kukaNkulunkulu yikuzibeka kwakho uqondane lenjongo yakhe kukho konke, kuhlanganisela lasekuzuzeni imiphefumulo. Kulapho onanzelela khona ukuthi uyisisebenz kanye laye emsebenzini wakhe emhlabeni. Walethwa kuKhristu, hatshi ukuthi usinde ekubhujisweni kodwa ukuze uzogcwalisa intando yakhe engcwele, ukusebenza ndawonye leNkosi ekuletheni imiphefumulo embusweni.

Vuka usabele ubizo lwakho njengomtshumayeli weVangeli otshumayela imfihlo kaKhristu. Kungayisikho ukuthi silamandla thina ngokwethu okucabanga ukuthi ulutho luvela kithi, kodwa amandla ethu avela kuNkulunkulu, ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikamoya; ngoba okulotshiweyo kuyabulala kodwa uMoya uyaphilisa. (2 AbaseKhorinte 3:5-6). Besekuthi ku 1 AbaseKhorinte 4:1-2 kuthiwa, Kasaziwe ngokuthi siyizisebenzi zikaKhristu labaphathi bemfihlakalo sikaNkulunkulu. Futhike kufuneka ukuba abaphathi babe ngabathembekileyo. Thela izithelo zande enkonzweni yakho yokubuyisana.

Wayekade etshilo kuMakho 16:15, Hambani liye emhlabeni wonke, litshumayele iVangeli kukho konke okudatshuliweyo. Ngakho asisekho isidingo sokube sibuza ukuthi, Nkosi ufuna ngenzeni? Umlayo usegcekeni. Ku 2 AbaseKhorinte 5:18 kuthiwa, Konke lokhu kuvela kuNkulunkulu owabuyisana lathi ngoKristu, wasinika inkonzo yokubuyisana.

Qakathekisa okwasembusweni. Zuza imiphefumulo nsuku zonke, unikele lalokho olakho ekutshunyayelweni kweVangeli. Bathandazele ubanxusele kakhulu labo abangakayazi iNkosi. Thwala umthwalo weNkosi, lithi iBhayibheli, uyababekezelela bonke ukuze bazuze usindiso, kafuni kubhujiswe loyedwa, kodwa konke lokhu kumele kuvelele ekuphendukeni. (2 Phetro 3:9)

2 AbaseKhorinte 5:14-15 kuthiwa, Ngokuba uthando lukaKhristu luyasiqhubezela; sibona lokhu ukuthi munye owafela bonke; ngakho ke bonke sebafa. Wafela bonke, ukuze abaphilayo bangasaziphileli, kodwa baphilele yena owabafelayo wabuye wavuka. Ukuphilela yena kutsho ukuthi uphilela icebo lakhe. Kutsho ukuthi inhliziyo yakho iyatshisekela ukumsebenzela, izandla zakho zisebenza umsebenzi wakhe, lenyawo zakho zihamba lapho afuna khona.

Umkhuleko
Baba othandekayo, ngiyabonga ngokungenza isisebenzi kanye lawe ensimini yakho, ngihamba ngokuhlakanipha, ngigcwalisa intando yakho empilweni yami, ngiqondane lenhloso yakho mayelana lami, ngikhuthalele ubizo lwakho, ngithela izithelo kuyo yonke intando yakho. NgeGama likaJesu. Ameni

Qhubeka Ngembhalo
2 Corinthians 5:18-20
1 Corinthians 3:9 NIV
John 20:21

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church