Umthetho Wokukhulekela Abanye Abantu

Monday, 11 November 2024

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ngikhumbuza; kasehlulelane, landisa wena, ukuze ulungisiswe (UIsaya 43:26).
Nxa sikhuleka, ikakhulu nxa sikhulekela abanye abantu, kuqakathekile ukuzwisisa umlayo okhona. Ukukhulekela abanye abantu kufuna ukuzwisisa okujulileyo komlayo ;lowu ngoba ngumkhuleko wokulwisana, lapho obeka khona indaba yakho, ukhulume okufunayo, njalo unike lezizatho zokucela kwakho.
Umkhuleko wokukhulekela abantu utshiyene lomkhuleko wokholo, lanxa yonke ifuna ukholo. Umkhuleko wokholo yikukhuluma kanye, umutsho owodwa lapho okholwa njalo uyamukele, ulethemba lokuthi sekwenzakele. Ngakho-ke, umkhuleko wokukhulekela abanye abantu ufuna ukucela, ukuphikelela njalo lamandla emkhulekweni ngoba uhlanganyisela ukumela abanye abantu. Nxa kungela amandla lokuphikelela, izinto zingawonakala kulabo esibakhulekelayo.
Emkhulekweni lo, uma phakathi kukaNkulunkulu lomuntu loba abantu obakhulekelayo. Uyabamela, ukhuluma indaba yakho kuNkulunkulu umchazela ukuthi ngani ucela ukuthi ebayenzele izinto. Yikho kuqakathekile ukuthi kubesegcekeni lokho okukhulekelayo. Lokhu kungaphezu lokucela ulutho kuNkulunkulu; yikuzwisisa amandla owanikiweyo lokuwasebenzisa ukuze ubeke udaba lwakho.
Ngako-ke funda ukuma esikhaleni njalo ulethe izidingo zabanye kuNkulunkulu emkhulekweni. Bala iLizwi liNkulunkulu ngamandla ukuze ubekwazi ngokujulileyo lokuthi ulisebenzise edabeni lwakho. Khumbula akukhulumayo kuIsaya 41:21,Lethani indaba yenu, itsho iNkosi,lilethe izizatho zenu eziqinileyo itsho iNkosi kaJakobe. Kusahluko 43 evesini 6, wathi, Ngikhumbuza; kasehlulelane; landisa wena, ukuze ulungisiswe. Ithemba lethu ngelokuthi uyasizwa njalo uyasiphendula imikhuleko yethu ngeLizwi lakhe. Makadunyiswe uNkulunkulu!
Umkhuleko
Baba olungileyo, ngiyakubonga ngethuba lokukhulekela abanye abantu, lapho engenelisa ukuma esikhaleni sabanye ukuze ngibacelele ngeLizwi lakho. Ngiyakubonga ngamandla onginike wona kuKristu ukuze ngimise intando yakho emhlabeni njalo lasempilweni zabantu endaweni zonke, eGameni likaJesu. Ameni.

Qhubeka ngembalo
UJakobe 5:16
1 UTimothi 2:1
AmaHebheru 7:25

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church