Vanoshandisa Izwi Ravo Kukweya Vanhu

Chitatu, 4 Zvita 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinogona kudetsera papamushando uyu. Unokona kuchituma neEcoCash pa: *151*2*6*58225# Mwari vakuropafadze

“Akuna naumwe unokona kuuya kwendiri, kudai Baba wakandituma asamukweya. …” (Johani 6 ndima 44).

Mwari ndivo vanokweera vanhu kwevari. Asi vanoshandisa Izwi ravo kukweya vanhu ava. Izvi ndizvo zvakatsanangurwa ndiMambo Jesu. Tinoerenga mazwi avo muna Johani 6 ndima 45. Inoti, “Kwakanyorwa muvaprofeti kuti, ‘Veshe vanozodzidziswa ndiMwari’. Ndizvo munhu weshe wakazwa, akadzidza kubva kunaBaba, unouya kwendiri”. VaRoma 10 ndima 17 inoti, “Ndizvo kugonda kunouya ngokuzwa, nokuzwa kunouya ngeIzwi raKristu”. Saka vanhu vanosisira kuzwa Vhangeri. Voriashira ngemweya yavo. Vanhu ava ndivo vanobva vakweerwa kunaJesu.

Izvi ndizvo zvetinoonawo muna VaRoma 10 ndima 14. Ndiyo ndaa techisisira kuchumairira vanhu Vhangeri. Tinenge tiri kutopa vanhu mikana yokukweerwa kunaMwari. Ndizvo iwewe chitutsira kuchumairira vanhu Vhangeri. Richumaire uchizia kuti ndiro rinounza vanhu kunaMwari.

Aya ndiwo aiya ari mapinimidziro aPhauri. Tinoaona muna VaRoma 1 ndima 16 kuguma 17. Apa waiya ari kuronza ngepadera peVhangeri iri. Wakati Vhangeri iri rinotoa simba. Ndiro simba rinoshandiswa ndiMwari kuponesa vanhu. Ndiyo ndaa Phauri waichumaira Vhangeri iri. Wairichumaira akashinga. Echipotera mumatunhu akawanda. Izvi ndizvo zvetinoona muna VaRoma 15 ndima 19. Inoti, “… kubvira ngeJerusarema nokunharaunda dzaro metsa kuguma Iririkomu ndakanasa kuchumaira vhangeri raKristu”. Phauri waitopota eishongana nengozi mukuchumaira kwake uku.

Phauri une amwenizve mazwi aakaronza. Apa waiya ari kuvhaisana neVakacheneswa vepaEfesu. Waiya aakupedzisa mushando wake. Wona mushando waaiya ari kuita munyika muno. Mazwi ake aya anozokutuma kuchumairawo Vhangeri. Anozoita kuti ukumbirire kuponeswa kwevanhu. Unotozokumbira kudaro weichema. Erenga mazwi akhona aya. Ari muna Zvakaitwa 20 ndima 18 kuguma 27. Vhangeri ndiro rega rinoponesa. Akuna rimweni vhangeri rinoponesa.

Iwewe unosisirawo kuteedzera Phauri uyu. Zvipire kugumisa Vhangeri kuvanhu. Rierekete kumushando kwako. Rironze peshe pounohamba. Rironze kundau younogara. Iwewe une vanhu vounogara uchishongana navo. Mwari ndivo vanokushonganisa nevanhu veshe ava. Ndivo vanokuendesa kundau dzounoenda idzi. Vanenge vasiri kutsvaka kuti ungodetsereka zvega. Vanenge vari kukupa mikana yokuchumairira vanhu Vhangeri. Saka ukashongana nevanhu, vaparidzire Vhangeri. Ukashongana nevanhu, ita kuti vazie Jesu Kristu. Ndizvo zvounenge watoshonganirana nevanhu avavo. Mwari ndivo vanenge vakushonganisa navo. Vanenge vari kutsvaka kukweera vanhu avavo kwevari. Hareruya!

Kumbira Weiti
Baba vendinoda. Izwi renyu ndiro rinokweera vanhu kwomuri. Rinovakweya kudaro kana richinge rachumairwa kwevari. Saka ndinochumairira vanhu Vhangeri. Ndinovachumairira ndakashinga. Imwimwi ndimwi munondishonganisa nevanhu. Munenge muchida kuti ndipinze vanhu ava munyika yenyu. Mweya wenyu uri kundishongedza. Uri kundishongedzera kuchumaira nyasha dzenyu kunyika ino. Iyo nyika inorwadza kudaro. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Marko 16 ndima 15 kusvika 16
Mabasa 1 ndima 8
Matiyo 28 ndima 19 kusvika 20
Varoma 1 ndima 16

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church