MUTSHIDZI O FHAṰA NNḒU YAWE NGOMU HAṊU

Friday,, 6 August 2021

We want this message to reach *5 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*5*58225# God Bless You!

"... Vhone vhe Mudzimu a funa u vha ḓivhadza zwauri lupfumo lwa vhurena ha itsho tshiphiri ndi lufhio kha vha nnḓa, zwauri ndi Kristo e kha inwi, ane na fulufhela vhurena ngae" (Vhakolosa 1:26-27)

Muya mukhethwa u dzula ngomu haṋu, zwi tshi amba uri Kristo u dzula kha inwi. No no vha wa lushaka lwa Kristo. Vhuvha hawe na maanḓa awe zwi kha inwi. Phaṱhutshedzo dzawe dzi kha inwi.

Hu na maipfi e Yesu a amba kha Johane 14:23 ane a ri: "...Arali muthu a tshi mpfuna u ḓo vhulunga fhungo ḽanga, na Khotsi anga u ḓo mu funa, huno riṋe ri ḓo ḓa ha ene ra ita vhudzulo khae". Yesu o amba maipfi aya a sa athu fa tshifhambanoni. O thoma a amba kha Yohane 14:16-17 a ri: "Huno nṋe ndi ḓo humbela khotsi uri a ni fhe Muimeleli muṅwe... Inwi hone ni a mu ḓivha ngauri u ḓo dzula kha inwi, u ḓo vha na inwi".

Yesu o khunyeledza zwe a fulufhedzisa, zwo khunyelela nga ḓuvha ḽa pentakosite. Muya mukhethwa wo tsa nga ḓuvha iḽo, wo tsela kha vhafunziwa vhawe. Huno riṋe ro bebwaho luswa ṋamusi, Muya mukhethwa u vho zula ngomu hashu. Ri nnḓu yawe. Vhathu vha mulanga wa kale a vho koni u zwipfesesa izwi. Vhaporofita na vharuṅwa a vha ngo kona u zwi pfesesa. Vho zwipfa uri Mudzimu u ḓo dzula ngomu ha vhathu fhedzi vha sa ḓivhe uri zwi ḓo itwa nga nḓilaḓe.

Atsina ndi zwe Mudzimu a vha o dzula o zwi amba kale kha Mirero 8:31 afho a tshi ri: "... Ndi tshi takalela vhana vha vhathu". Paulo o á¹±anziela mafhungo aya, o tou dzumbulelwa nga Muya mukhethwa. Ndi one maipfi e ra a vhala kha ndima ye ra vula ngayo. Kristo u dzula kha muthu zwa ita uri muthu uyo a fane na Mudzimu. Vhuvha ha Mudzimu hoá¹±he ha vhonala khae.

Vhaefesa 3:17 i ri: "Kristo a fhaṱele dzi mbiluni dzaṋu nga lutendo...". Ipfi ḽauri u fhaṱela, zwi amba uri Kristo u dzula kha inwi, ni nnḓu yawe. Ni wa lushaka nae. Mudzimu nga a rendiwe u ya nga hu sa fheliho.

NI á¹°ANZIELE NI TSHI RI

Mudzimu ndi a vha livhuha, vho fhaṱa muḓi wavho ngomu hanga. Vho nnyita muthu wa ndeme. Vha nyiita nnḓu yavho. Ndi wa malofha a Yesu, ndi wa lushaka lwavho. Vhone vha vhonala kha nṋe. Ndi vha livhuha nga hu sa fheliho.

Ndima dziṅwe dzine dza tikedza ngudo ya ṋamusi ndi dzi thevhelaho:

1 Vhakorinta 6:19

Yohane 14:16-17

1 Vhakorinta 3:16-17

(This article was culled from:

Rhapsody of Realities (Zim Venda)

Authored By:

Pastor Chris Oyakhilome DSc DD.

You can download a full copy in your language on: https://bit.ly/rorlanguages

You can get other teachings on: https://bit.ly/RORchurch