Ringa Kune Awo Wangotambira Soko Rako

Chitatu, 6 Nyamavhuvhu 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

"Ndingoti zvino, waIzirayiri wadotsurwa kuti wagwe yere? Hwiiba! Asi kuti ngekugwa kwawo, ruponiso rudowuya kuwanhu wasiri waJudhaba, zvidomutsa pfini umo wari." (WaRoma 11 ndima 11).

Apo ungonga uruwunza wanhu kuna Mwari, ungosongana ngewena wangonetsa, wangoramba kutambira soko rako kana kuramba kukoka ungowayita kuti wawuye kuchechi. Izvi zvikayitika, utsatsondorekeba. Kana waramba masoko ako ngekukokwa, tsvaka kuyendera wena wangokutambira.
Shimbofunga zvidoyitwa ndiMwari. Yeso wadotanga ngekuyendesa Soko kumaJudha ngekuti wadonga wari wanhu wawo. Wadonga wari una wawo saka wadowawunzira Soko rehuMambo, asi wadowaramba. Yohane 1 ndima 11 (NIV) ingoti, "Adowuya kune awo wadonga wari we kwashe, asi wekwashe washo hawadomutambiraba."

Saka wadoshayishani? Wadoyenda ngesoko kune wasiri waJudhaba ngekunyika dzetse dzepatsi. Nanyamusi wadowanda washaruritambira. Mwari ngawakudzwe! Izvi zvidoyitikawo kuna Pauro. Adombonga arushungurudza wetse awo wadonga warutendera muna Yeso Kristo, ayipikisana ngeVhangeri. Apo adopa mwoyo washe kuna Tenzi atendewuka, wena washe maJudha wadoramba kumuterera.

Adombonga ari una wawo asi apo adotendewuka kuwa muKristo, wadomuramba. Ipapo ipapo Pauro adobva ayenda hashe ngeSoko kuwanhu wasiri waJudhaba. Uku ndiko adonga akara atumwa ndiTenzi (werenga Mabasa 26 ndima 16-18).

Mabasa 13 ingotitawurira ngezvenzendo dzekuparidza soko dzaPauro naBhanabhasi muAndiyoki muPisidhiya. Wadonbotanga watambirwa zvidonaka musinagogu, asi wadozowamba kupikiswa ngekuyitirwa pfini ngewakuru wemaJudha. Pakurambwa kwawo uku, wadotawura iyi wari ngehushingi ?...Zvidonga zvidofanira kuti Soko raMwari ritange raparidzirwa imwemwe: asi tiruwona kuti mariramba, muyibva mazviyita wanhu wasidofaniraba kuhupenyu husingaperiba, wonani, tatuyenda kune wasiri waJudhaba" (Mabasa 13 ndima 46-46).

Utsamboyite kuti awo wangoramba kutambira soko iro ungowapa wabate mamiriro emwiya wako kana kudzikisa shungu dzako dzekufambisa Vhangeriba. Hwanamatire asi kuwoma mwoyo kwawo ngakurekere kukumisa kuparidzira wena Vhangeri.

Apo urubudirira kuparidzira wena, rina zuwa washabatikanawo wayibva wakurudzirika kutendera, tsezvingotawurwa ngebhayibheri kuti maJudha ashabatwa batwa ngekuponiswa kwewasiri waJudhaba, tsenyika wayibva wazotenderawo muna Yeso Kristo. Ramba udozvipira, uyiparidza ngekuwimba musimba reVhangeri.


Pupura Uyiti

Ndingoramba ndidoringa parudayidzo rwangu ngekusvitsa Vhangeri kune wena, ndiyiziwa kuti ndiro simba raMwari rekuponesa awo wangonga watendera. Ngenyasha ngesimba raMwiya Mutsvene, ndirutungamirira wadowanda kukururama, mwoyo yawo yapindukira kunemwe. Diko ndiri Shayedza kunyika. Hareruya!

Dzina Ndima Dzekuwerenga Dzingotsinhira Shidzidzo Shenyamusi:
Mabasa 13 ndima 45 kusvika 46
Matiyo 10 ndima 5 kusvika 15 NIV

(Chidzidzo ichi chatorwa kubva mu:
Rhapsody of Realities (Manyika)
Rinonyorwa na:
Mufudzi Chris Oyakhilome DSc DD.
Munoriwana pa: https://url.za.m.mimecastprotect.com/s/Wx2jClOkvrH2ExwcGf3iz0Tr3?domain=rhapsodylanguages.tniglobal.org/
Zvimwe zvidzidzo munozviwana pa: https://url.za.m.mimecastprotect.com/s/pm_ZCmw02vcjlzofOhAiRIW3o?domain=bit.ly