Jesu NdiMwari Vakauya Vari Munhu WeNyama

Svondo, 31 Nyamavhuvhu 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Mweya wehutsvene vakamumutsa kuvakafa. Vakamumutsa vachishandisa simba guru. Zvinova zvakataridza zvoga kuti ndiye Mwanakomana waMwari (Varoma 1 ndima 4).

Muponesi Jesu ndivo Mwanakomana waMwari vacho. Izvi ndizvo zvatinotaridzwa neBhaibheri. Ichi chinhu chikuru chose. Ivo Jesu vakatozvipupuriravo. Uye vaisarambidza kuti vanhu vavadaidze seMwanakomana waMwari. Vaitozvitsigira. Asi kuti Mwanakomana waMwari kunorevei? Ini ndakasitsanangura izvi. Asi zvakakosha. Saka regai ndizvidzokorore.

Mwanakomana waMwari hazvingorevi munhu akazvarwa naMwari. Mwanakomana waMwari vanotova Mwari pachavo. NdiMwari vakauya vari munhu wenyama. Vajudha vainzwisisa izvi. Ndiko kusaka vakatsamwira Jesu. Vakavatsamwira pavakazviti vakanga vari Mwanakomana waMwari.

Saka vakati Jesu vakanga vari kutuka Mwari. Ivo vakataura vachiti, Iwe uri munhuwo zvake. Asi unoda kuzvienzanisa naMwari. Asi Jesu vakanga vari Mwari pachavo. Ndiko kusaka vakagona kumuka kuvakafa. Saka Mwari vakanga vauya vari munhu wenyama. Vakabva vagara panyika pano. Vachitsvaka kuti vatiponese. Vachida kuti tivevo vanakomana vaMwari. Izvi ndizvo zvatinovona muna Johane yekutanga ndima yegumi nembiri kusvikira yegumi nenhatu. Inoti, Asi kune vamwe vakarigamuchira. Vakagamuchira zita rake. Vanhu ava vakabva vapiwa simba. Nemvumo. Yekuti vave vanakomana vaMwari. Vanhu ava vakabva vazvarwa kechipiri. Kwete neropa. Kana nekuda kwenyama. Kana nekuronga kwemurume. Asi vakazvarwa naMwari pachavo.

Ivo vakatiunzira ruponeso. Vakatiita veropa ravo. Vakaita izvi kuti isu tifanane navo. Tive verudzi rwaMwari. Saka tava kugona kudyidzana naMwari. Tinodyidzana navo sevana vavo. Tava kugona kutaura navo. Ivo vava kugona kutauravo nesu. Tava verudzi rwavo. Tafanana navo. Tavavo Vamwari. 1 Johane yechina ndima yegumi nenomwe inoti, tichiri pano panyika hedu. Asi zvavari ivo. Ndizvo zvatirivo isu. Saka nesuvo tava vanakomana vaMwari. Izvi ndizvo zvatinoziviswa muna 1 Johane yetatu ndima yekutanga. Inoti, Chimbofungaivo kuti Baba vanotida zvakadini? Tisu tava kutonzi vanakomana vaMwari. Ndiko kusaka nyika isingatinzwisisi. Nekuti haina kunzwisisavo Jesu. Hareruya!

Namata Uchiti
Baba vandinoda. Ndinokutendai. Mandibatsira kuziva Jesu. Ndava kuziva kuti Jesu ava ndivo Mwanakomana waMwari. Kureva kuti ivo ndiMwari. NdiMwari vakauya vari munhu wenyama. Jesu ava vakamuka kuvakafa. Izvi ndizvo zvakaita kuti ndishandurwe rudzi. Ndiitwe munhu weropa ravo. Ndive munhu werudzi rwavo. Ndava kunzwisisa kuti ndava Mumwari. Handichatyi kudyidzana nemi. Muzita raJesu. Ameni.

Dzimwe Ndima Dzinotsigira Chidzidzo ChaNhasi
Johane 10 ndima 36
1 Timoti 3 ndima 16
Johane 1 ndima 14

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://url.za.m.mimecastprotect.com/s/Wx2jClOkvrH2ExwcGf3iz0Tr3?domain=rhapsodylanguages.tniglobal.org/
Zvimwe zvidzidzo munozviwana pa: https://url.za.m.mimecastprotect.com/s/pm_ZCmw02vcjlzofOhAiRIW3o?domain=bit.ly