Ndiwe Chifumiso Chakhona



China, 8 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Zvino kudai muri vaKristu, muri mibarirwana yaAbrahama, muri vadyi venhaka kudai ngechigondiso" (VaGaratia 3 ndima 29).

Mwari vane mazwi evakamboereketa. Vaiya vari kuaronza kuna Abrahama. Tinoaerenga muna Genisisi yegumi nemairi ndima yechipiri. Vakati, "Neni ndinozokuita dzinza guru, neni ndinozokufumisa nokuita kuti zina rako riite mbiri; newe unozoita chifumiso". Apa vaiya vasiri kungoronza madimikira. Vaiya vasiri kuereketa ngechibhende. Vane dzinza revaiya vari kutotanga. Iri idzinza reVamwari. Idzinza revanhu vakafumiswa. Dzinza iri ndiro rewaawo iwewe. Waa muna Kristu. Ndiyo ndaa waa wedzinza iri.

Iwewe ausiri munhu akangofumiswa. Unotoa chifumiso chakhona. Chifumiso chaMwari chiri mwouri. Chinotoshanda mwouri zvinoonekwa. Saka ungaguma pane imweni ndau. Vanhu vanotanga kutobudirira pandau iyi. Zviro zvavo zvinototanga kuhamba zvakanaka. Kururama kunotobva kwatoguma pandau iyi. Ukaronza mazwi, mikova inobva yatobeuka. Kupona kwevanhu kunobva kwatotsanduka. Ndiwe unogumisa nyasha dzaMwari kuvanhu.

Chifumiso chaAbrahama chinoonekwa pazviro zvako zveshe. Iwewe ausiri kutsvaka chifumiso ichi. Unotoa chifumiso chakhona. Mwari ndivo vakagondesa Abrahama chifumiso ichi. Chifumiso chakhona chakaguma pouri. Iwewe ndiwe wakapuwa chifumiso chakhona. Chifumiso ichi ndicho chakaita kuti Abrahama ave munhu mukuru. Ndizvo newewo chakakuita munhu mukuru. Chakakupa zveshe zvinodiwa kuti upfume. Chakatoita kuti ukone kufumisa vanhu.

Ndizvo ungaa mumhuri. Ungaa nekwounoshanda uri. Ungaa nedhorobha rounogara. Ndau dzeshe idzi dzakatofumiswa. Aya ndiwo anosisira kua mapinimidziro ako. Ndizvo gara uchiereketa uchiti, "Inini ndakafumiswa. Ndakafumiswa kuti ndive chifumiso. Ndingashongana nevanhu. Vanhu vakhona vanobva vatokarakadzwa ndiMwari". Mapinimidziro aya anozotsandura zviro zvako. Simba raMwari rinozoonekwa pouri.

Pupura Weiti

Ndiri mwana wedzinza raAbrahama. Ndizvo ndakatwara chifumiso chaMwari. Ndinonasirisa zviro. Vanhu vanokarakadzwa ndiMwari ngendaa yangu. Ndinofumisa veshe vendinoshongana navo. Ndinovaunzira kunyarara. Ndinoita kuti zviro zvavo zvibudirire. Runako rwaMwari runoonekwa pendiri. Ndini ndinogumisa nyasha dzaMwari kuvanhu. Ndinogumisa simba raMwari kuvanhu. Ndinogumisa kururama kwaMwari kuvanhu. Ameni.

Dzimweni Ndima Dzinotsinhira Kufunda KwaNyamashi:

Genesi 12 ndima 2 kusvika 3

Vaefeso 1 ndima 3

Vagaratiya 3 ndima 9



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church