Mikumbiro Yepakati PoUsiku

Chitatu, 8 Ndira 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Miruka, ucheme yaamho usiku, pakutanga kwomurindo! Durura mwoyo wako kudai ngemvura pamberi pehope yaMambo Mwari. Mirudza nyara dzako kwaari ngendaa yendaramo yevana vako (Chiriro 2 ndima 19).

Vanhu vaMwari vane mukumbiro wevanosisira kuzwisisa. Mukumbiro uyu tinouona muBhaibheri. Tinouona muna Chiriro 2 ndima 19. Apa vanhu vaiya vari kutsvaka kuti vana vavo vasunhurwe. Hino Jeremia unovapanga zvokuita. Aazi kungovati vacheme kuna Mwari. Wakavati, Miruka, ucheme yaamho usiku. Vanhu ava vaisisira kuchema ari madeekoni.

Iwewe unosisira kupota uchikumbira madeekoni. Pane zvinoitika pounokumbira nguwa idzi. Bhaibheri aritipangi haro kuti tikumbire madeekoni ega ega. Asi Mweya Wakachena vanopota vechikutungamirira kukumbira madeekoni. Ndiyo ndaa uchisisira kugara uchitungamirirwa ngeMweya Wakachena. Madeekoni ari kuronzwa aya ngeepakati pousiku. Pona paya pakunenge kwaa kooyedza.

Chiringira zvaanokupanga kuita panguwa idzi. Unoti, Durura mwoyo wako kudai ngemvura pamberi pehope yaMambo Mwari. Uyu ausiri mukumbiro wemazwi zvega. Mukumbiro unobva pamwoyo. Chimweni chounosisira kuita chiinyi? Ndima iyi inoti, Mirudza nyara dzako kwaari ngendaa yendaramo yevana vako. Kune vamweni vabereki. Vabereki ava vane vana vakapanduka. Vane vana vakatorwa ndiSathani. Vabereki vakadaro avasisiri kungogara. Vechiemera kuti mwana apetuke ega. Avasisiri kuita sokuti avana simba rekupetudza mwana uyu. Vanosisira kukumbira zvine shungu. Vechisunhura ena mwana wavo.

Vanosisira kumuka pakati pousiku. Vokumbira! Ngavapote veikumbira pakati pousiku. Veimirudza nyara dzavo. Veikumbira kuti mwana uyu apetuke kunaMwari. Ngavapange kuti mwana uyu asunhurwe kubva kunyika. Aunzwe kuIzwi raMwari. Adakadzwe ngezviro zvaMwari. Ngavapange kuti zvaSathani zveshe zvibve mumwana uyu. Mwoyo wake utange kuona zveMweya waMwari. Echigwinyiswa kurarama kupona kwaakarongerwa ndiMwari. Eidakadzwawo ngokukupona.

Mwana wakhona ungaa ari kurwara. Ngavakumbire kudaro. Veisunhura mwana uyu. Mambo vanozopindira mumwana uyu. Vanobva vamuporesa. Kwai iwewe unosisira kudurura mwoyo wako. Uchimirudza nyara dzako kunaMwari. Uchikumbira kudaro pakati pousiku. Iyi ndiyo njira younoshandisa kusunhura mwana wako. Hareruya!

Kumbira Weiti
Baba vendinoda. Ndinokumbira. Ndeirwisa masimba eshe echidima. Awawo anotsvaka kutora mwoyo yevana vadoko. Vana ava vangaa vari kuchengedzerwa ngevamweni vavo. Vangaa vari kushaishidzwa ngezvevanoerenga. Nokuti zvavanozwa. Vangaa vari kushaishidzwa ngetsika dzomunyika muno. Ndinopanga kuti vana ava vahambe mukujeka. Veiramba mishando yeshe yakashata. Veipona mukururama. Veirarama kupona kwevakarongerwa ndiMwari. Ukwolwo kuri muna Kristu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mapisarema 63 ndima 6
Mapisarema 119 ndima 62
Ruka 6 ndima 12

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church