Gara Uchikura. Uchinyisa



Chishanu, 9 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Umambo hwake unozoramba wechikura, kuchaapo kunyarara kusina magumo padendemaro raDhavhidha nepaumambo hwake. Unozouemesa nokuugwinyisa ngokutonga kwakanaka nokururama, kubvira zvinopano mhera narini. Kugwinyisisa kwaMambo Mwari wehondo kunozoita izvi" (Isaya 9 ndima 7).

Kukura chiro chiri mungazi yeVamwari. Zviro zvavo zvinogara zvechitutsira. Zviro zvaMwari zveshe zvinototi zvikure. Hino iwewe uri mwana waMwari. Zviro zvako zvinokurawo. Waa kukona kukura zvisina magumo. Wakatsandurwa dzinza. Vanhu vedzinza rako vanogara vechitutsira kutodzana naMwari. Vanogara vechitutsirwa nyasha. Vanogara vechitutsira kugonda ndiMwari. Vechitutsira kuzwisisa Mwari. Iwewe auiti zvokupota uchikura. Unogara uchingokura. Uyezve uchakura zvemhera nariini.

Kristu vachatonga zvemhera nariini. Umambo hwavo huchaapo nokusikaperi. Kunyarara kwavo akuperi. Izvi ndizvo zvewakaitawo iwewe. Ucharamba uchingomirukira. Zina rako rechikura. Uchiita mishando yakakura. Mambo vane zvevakambondironzera. Vakanditi, "Mukororo wangu. Ramba uchingokura. Uchitutsira". Inini ndinogara ndechironzera vanhu izvi. Ndakapuwa mvumo yokukura. Saka andigumi kukura.

Mwari vakakupa mvumo yokubudirira. Apana chingakuita kuti usabudirira. Tsamba yokutanga kuna Thimothi chitsauko chechirongomuna ndima yegumi nechishanu inoti, "Tsamwirira kuita zviro izvi, udzipire pachako kwezviri, kuti kubudirira kwako kuoneke kwavari veshe". Mweya Wakachena ndivo vakaronza mazwi aya. Vakashandisa Phauri kuanyora. Isusu tingada kugara techitutsira. Zina redu rechikura. Techibudirira pane zveshe zvetinoita. Pfuma yedu ichigara ichitutsira. Tinosisira kugara mipinimidzo yedu iri paIzwi raMwari. Izwi iri rinosisira kugara riri mumipinimidzo yedu. Techigara techiridzeya mumwoyo yedu. Ndikwo kuti tizokura kudaro. Izvi ndizvo zvetiri kuoneswa mundima iyi.

Mundima yakhona mune mazwi anoti, "kubuda pachena". Mazwi aya anoronza kupararira. Anoronza kuita mukurumbira. Nokuzikanwa ngevanhu veshe. Kubudirira kwako akusisiri kunge kwakafishika. Kunosisira kuzikanwa ngevanhu veshe. Uyezve ausisiri kupota uchimbotambura. Wakashongedzerwa kugara uchibudirira. Uchikura. Masimba ako echitutsira. Uchia munhu mukuru yaamho. Iwewe waa munhu wengazi yaMwari. Vanhu vengazi iyi vanogara vechibudirira nguwa dzeshe. Apana pevanombotambura.

Ndizvo usazviona somunhu anotambura. Usararama kupona kwokutamburira. Gara uchingohambira mberi. Ronga zviro zvikuru nguwa dzeshe. Kupona kwomunhu akarurama kwakaita sokujeka kwemangwanani. Kunogara kuchitutsira kupenya. Kunopenya mhera kwaita semasikati emene. Izvi ndizvo zvetinoziiswa muna Mazwi Akangwara yechirongomuna ndima yegumi nechisere. Izvi ndizvo zvakaita kupona kwako. Ndizvo gara uchinyisa. Uchikura. Uchibudirira pane zveshe zvounoita. Humwari hwako huchitutsira zuwa rimwe ngarimwe. Ita izvi mhera pakubvutwa kweVakacheneswa.

Kumbira Weiti

Baba vendinoda. Ndinomubonga. Mune nyasha dzemwakandipa. Nyasha idzi dzinoita kuti ndigare ndechingokura. Simba reMweya Wakachena ndiro rendinoshandisa pakupona kwangu. Ndizvo apana pendichaguma kukura. Apana pendichaguma kubudirira. Ndinonyisa nguwa dzeshe. Zina rangu rinogara rechikura. Mazano aMwari echitutsira mwendiri. Ndechitutsirwa nyasha. Muzina raJesu.

Dzimweni Ndima Dzinotsinhira Kufunda KwaNyamashi:

Zvirevo 4 ndima 18

Vakorose 2 ndima 6 kusvika 7

Isaya 60 ndima 22

(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church