Shandisa Mazwi Ako Kutonga Nyika Ino



Muvhuro, 12 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Ngokuti ngemazwi ako unozopembedzwa, zve ngemazwi ako unozopariswa ndaa" (Mateu 12 ndima 37).

Mazwi ane simba. Anotoa zviro. Mazwi zviro zvomumweya. Ndiwo anoshandiswa kusika zviro. Mwari ndivo vakasika denga. Ndivo vakasika nyika ino. Vakashandisa mazwi kusika zviro zveshe izvi. Iwewe wakatodzana naMwari ava. Ndizvo unokonawo kusika zviro. Mazwi ako aasingori mazwi zvega. Anotoa midziyo yemweya. Ndiwo anoronga kupona kwako. Ndiwo anotonga zviro zvokupona kwako.

Kupona kwako kwakangoenzana nemazwi ako. Ndizvo iwewe ukaronza zvinowirirana neIzwi raMwari, masimba eVamwari anozotanga kushanda. Masimba aya anozoita kuti ubudirire pane zveshe zvounoita. Anozokufumisa. Anozokuita kuti unyise. Asi dangani ungaereketa somunhu anotya. Kana anofungira Mwari. Kana akanyiswa. Unobva wapa gaa mukana wokushaishidza. Izvi ndizvo zvetinoziiswa ngeBhaibheri. Tinoerenga mazwi aro muna Mazwi Akangwara yegumi nechisere ndima yemakumi mairi naimwe. Inoti, "Rufu nokupona zviri musimba rorurumi, navo vanoruda vanozorya michero yarwo".

Tsamba yokutanga yaPetro chitsauko chechitatu ndima yegumi inoti, "Ngokuti "Uwo unozoda kupona nokuda kuona mazuwa akanaka, ngaarambidze rurumi rwake kubva kune zvakashata, nomuromo wake kubva mukuereketa zvinochengedzera". Ndizvo usaronze zvinopesana neIzwi raMwari. Ndizvo zviri kuronzwa mundima iyi. Ronza Izwi raMwari zvega. Ndiro rounosisira kuronza nguwa dzeshe. Usaronze zviri kuzwikwa ngomuiri wako wenyama.

Ereketa somunhu anogonda ndiMwari. Usaereketa somunhu anotya. Ronza mazwi anoraramisa zviro. Usaronze mazwi anouraya zviro. Ereketa somunhu anogara echinyisa. Usaereketa somunhu anogara echinyiswa. Muromo wako ndiwo unoronga kupona kwako. Zviro zvako zvingaa zvisiri kuhamba zvakanaka. Iwewe usaringira izvozvo. Ingoereketa somunhu ari kuhambirwa zvakanaka ngezviro. Ronza zvewaa muna Kristu. Ereketeta somunhu ane zvaakapuwa ndiKristu. Ereketa somunhu asina chaasikakoni kuita.

Mazwi ako midziyo yepamweya. Ndiwo ounoshandisa kutonga. Ndizvo shandisa mazwi ako kutonga nyika. Iwewe uri mambo. Madzimambo anoshandisa mazwi awo kutonga. Izvi ndizvo zvetinoziiswa muna Muchumairi yechisere ndima yechirongomuna. Inoti simba ramambo riri mumazwi ake. Madzimambo anongoita zvokuereketa zvega. Anongodzika mipango zvega. Hino Bhaibheri rinoti newewo ukadzika mipango, mipango iyi inobva yatotanga kushanda. Tinoziiswa izvi muna Jobe yemakumi mairi nemairi ndima yemakumi mairi nechisere. Shandisa muromo wako kudzika mipango yakanakira kupona kwako. Dzika mipango inokupa utano hwakanaka. Dzika mipango yakanakira mhuri yako. Dzika mipango yakanakira ramangwani rako. Hareruya!

Pupura Weiti

Mazwi angu akadzara simba. Anoraramisa zviro. Ndinoronze mazano aMwari. Ndinoereketa somunhu anogara echinyisa. Ndinoereketa somunhu anogara echibudirira. Mazwi angu akatsigirwa ngedenga. Saka anonyisa zviro zveshe. Ndinoshandisa rurumi rwangu kutonga zviro zvokupona kwangu. Ndechiunza zviro zvomunyika yaMwari mukupona kwangu. Ndechinyisa zveshe zvendinoshongana nazvo. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Mateo 12:35-37

Mariko 11 dime 23

Vahebheru 13 ndima 5 kusvika 6



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church