Wakatsanangurwa Kuti Utonge Nyika Ino



Chitatu, 14 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Kudai mwaiya vomunyika, nyika yaizoda vayo. Asi ngokuti amusiri vomunyika akadi, asi ndakamutsanangura kubva munyika, ndizvo nyika inomuzonda" (Johani 15 ndima 19).

Iwewe uri munyika muno hako. Asi ausiri wenyika ino. Izvi ndizvo zvakaronzwa ndiMambo Jesu. Mwari vakakutsaura. Vakakuita umweni wevanhu vanosisira kurarama kupona kweVamwari. Uchiri munyika ino hako. Asi waa mugari wenyika yaMwari. Iwewe unosisira kuzwisisa izvi. Ndizvo tonga zviro zvomunyika muno.

Nyika ino inotokutya. Izvi ndizvo zvetinoona mumazwi aMambo Jesu. Tinoerenga mazwi akhona muna Johani yegumi nechitanhatu ndima yemakumi matatu nechitatu. Inoti, "Izvi ndakamuronzera kuti mwendiri muone kunyarara. Munyika munozoa nemadambudziko. Asi shingai mwoyo, ndainyisa nyika!". Mambo Jesu vakanyisa nyika ino. Iwewe waia mwevari pevakainyisa kudaro. Vakainyisa kuti zvikunakire iwewe.

Izvi zvinoronza kuti iwewe wakatonyisa nyika ino. Wakanyisawo chimwari chenyika ino. Sathani ndiye chimwari chakhona. Uri mukuru kuna Sathani. Uri mukuru kuvabati vake veshe. Uri mukuru kuchidima. Nezveshe zvinoparadza zvomunyika muno. Waa wemhatso youmambo. Wasiyana nevanhu vomunyika muno. Waa mambo.

Vamweni vangaa vari kuchema. Iwewe auchemi navo. Ndiwe unotonasirisa zviro. Unoshandisa mazwi ako kunasirisa zviro izvi. Unoshandisawo mikumbiro yako kunasirisa zviro zvakhona. Una Baba vewaa navo. Baba ava vakuru kupinda vamweni vanhu veshe. Vanogara mukati mwako. Iwewe ndiwe unovaemerera munyika muno. Ndizvo usaereketa sevanhu vomunyika muno.

Zwisisa zvewaa. Runako rwaMwari runosisira kuonekwa pouri. Nyika inosisira kuona kururama kwaMwari pouri. Uri kujeka. Ndiwe ari kusisira kuvheneka munyika muno. Yona nyika ine chidima kudaro. Ndiwe nhumba yedenga. Ndiwe wakatsanangurwa ndiMwari. Ndiwe mambo. Wakafumiswa zvisikabviri. Izvi ndizvo zvetinoona mutsamba yokutanga yaPetro chitsauko chechipiri ndima yechipfumbamwe. Inoti, "Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa".

Kumbira Weiti

Baba vendinoda. Ndinomubonga. Mwakanditsanangura. Mukandidusa munyika muno. Mukaita kuti ndive munhu wedzinza reVamwari. Ndinozwisisa kuti ndiri Mumwari. Ndiripo kuita mishando yedenga. Ndinopona soMumwari. Kujeka kwenyu kunoonekwa pendiri. Ndinogumisa nyasha dzenyu kuvanhu. Ndinopona samambo. Runako rwenyika yenyu runoonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

1 Johane 5:4-5; Johane 17:14-16; Mateo 5:14-16



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church