Takapuwa ZvaMwari



Soto, 18 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari" (2 VaKhorinde 5 ndima 21).

Isusu taisisira kuuraiwa. Techiurairwa zvishaishi zvedu. Asi Mambo Jesu ndivo vakazouraiwa. Avasirivo vaiya vari mushaishi wakhona. Asi vakaitwa chipiriso chechishaishi. Vakauraiwa kuti isusu tisauraiwa. Vakabva vatiita kururama kwavo. Izvi ndizvo zvetinooneswa mundima yetabeura ndiyo.

Munyika muno mune zvakawanda zvakamboitika. Asi akuna chinopinda ichi. Ichocho chokuti Kristu vakatitsia. Vakafa petaisisira kufa isusu. Vakatiita kururama kwavo. Izvi ndizvo zvetinoziiswa ngeVhangeri. Mambo Jesu vaiya vasikazii chishaishi. Asi Mwari vakavaita chipiriso chechishaishi. Vechitsvaka kuti isusu tizoa muna Kristu ava. Tive umbowo hwokururama kwavo. Ndizvo Mambo Jesu ndivo vakaripira zvishaishi zvedu zveshe.

Tsamba yokutanga yaPetro chitsauko chechitatu ndima yegumi nechisere inoti, "Ngokuti Kristu wakatambudzikawo kamwe mhera nariini ngendaa yezvishaishi, ari wakarurama ngendaa yevasikazi kururama kuti amuunze kunaMwari ...". Isusu tisu taiya tashaisha. Mambo Jesu vaiya vasikazi kumboshaisha. Asi ndivo vakatitsia. Vakaitwa ivo chipiriso chechishaishi. Mupango waitendera izvi. Kuronza kuti zvinoitawo kuti mushaishi atsiewo Jesu ava. Aitwe akarurama. Ndokunge apuwa zina raMambo Jesu ava. Ndizvo iwewe waa munaKristu. Mwari vaa kukuona somunhu anoera. Asina chaangapomerwa. Akarurama.

Mambo Jesu vakaurairwa zvishaishi zvedu. Vakazomuswa kubva kwevakafa. Vakamuswa kudaro kuti tipembedzwe. Izvi ndizvo zvetinoziiswa muna vaRoma yechirongomuna ndima yemakumi mairi nechirongomuna kuguma makumi mairi nechishanu. Ndizvo kururama kwako akuzi kubva pamishando yako yakanaka. Akututsiri ngenguwa. Kwakaita zvokuiswa mumweya mwako. Kwakaiswamwo paya pewakabarwa kechipiri. Ndizvo waa kukona kuema pamberi paMwari. Waa kukona kuita zviro ngomwazvo. Hareruya!

Iwewe unosisira kuzwisisa izvi. Ukama hwako naMwari hunozotsanduka. Unozokona kukumbira wakashinga. Uchiereketa Izwi raMwari wakashinga. Auzozwi sokuti uri mushaishi. Auzotsvaki kuti Mwari vakuzwire tsitsi. Asi unozozwisisa kuti uri mwana wavo. Ena mwana uya unodakarirwa ndiMwari yaamho. Unozotonga zviro zvomunyika muno. Uchizvitonga ngokuti waa nenyasha dzaMwari. Uyezve warurama.

Pona somunhu unozwisisa izvi. Usazviona somunhu une ndaa yaakapara. Izvozvo zvinozoshaishidza ukama hwako naMwari Baba. Iwewe wakapembedzwa. Apana chewaiya wabhadhara kuti upembedzwe kudaro. Ndizvo ema wakashinga. Ema saKristu Jesu. Utonge zviro zvokupona kuno. VaRoma yechishanu ndima yegumi nechinomwe inoti, "Kudai, ngokuti munhu umwe wakashaisha, rufu rwakatonga kubudikidza ngomunhu umwe, kakurutu avo vanoashira ngokuwanda kwenyasha nechipo chokururama vanozotonga mukururama kubudikidza ngomunhu umwe, Jesu Kristu". Hareruya!

Pupura Weiti

Inini ndiri munaKristu Jesu. Ndiri umbowo hwokururama kwaMwari. Ndakashinga. Ndinogonda ndiMwari. Ndizvo ndaa noukama naKristu Jesu. Ndakaitirwa nyasha. Ndaa munhu akarurama. Ndizvo ndaa kutonga zviro zvomunyika muno. Chishaishi achichakoni kunditonga. Andichazvioni somunhu une ndaa yaakapara. Hararuya!

Dzimweni Ndima Dzinotsinhira Kufunda KwaNyamashi:

Varoma 5 ndima 17 AMPC

Varoma 3 ndima 21 kusvika 26

Vafiripi 3 ndima 8 kusvika 9



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church