Zwisisa Kuti Wakarurama



Muvhuro, 19 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Mukai mumipinimidzo yenyu yakarurama, murekere kuita zvakashata; ngokuti vanhu vamweni avana ruziyo ndiMwari. Ndinoereketa izvi kumutsverudza" (1 VaKhorinte 15 ndima 34).

Iwewe waa munhu akarurama. Unosisira kuzwisisa izvozvo. Zvisirizvo kururama kwakhona akuzokoni kukushandira. Ndizvo unosisira kuzwisisa kuti wakapembedzwa. Wakasukwa. Wakaashirwa ndiMwari. Iwewe ungaa munhu unozia kuti wakarurama. Auzozvioni somunhu uya wekaretu. Unozozviona somunhu akarurama saKristu.

Auzozvioni somunhu ane ndaa yaakapara. Apana chounozotya. Izvi ndizvo zviri kuronzwa ndiPhauri. Uri kuti "Mukai! Muzie kuti mwakarurama". Iwewe auchisiri mushaishi. Waa muna Kristu Jesu. Ndizvo waa chipuka chitsva. Zviro zvekaretu auchisina. Zvouri zveshe zvaa zvitsva. Izvi ndizvo zvetinoziiswa mutsamba yechipiri kuvaKhorinte chitsauko chechishanu ndima yegumi nechinomwe.

Ndiwo mapinimidziro ounosisira kuita. Ukama hwako naMwari hunozotsanduka. Unozotanga kuzviona somunhu anotonga zviro zvokupona kuno. Saka usaereketa uchiti, "Inini ndakangotodzana nevanhu veshe veshe. Ndiri kungotsvakawo kudakadza Mwari!" Haiwa! Usadaro. Iwewe wakasiyana nevanhu vomunyika muno. Uri umbowo hwokururama kwaMwari. Pinimidza somunhu akarurama. Ereketa somunhu akarurama. Pona somunhu akarurama. Ndikwo kuti zvionekwe kuti uri munhu akarurama.

Kumbira Weiti

Baba vomudenga vendinoda. Ndinomubonga. Mwakaisa kururama kwenyu mumweya mwangu. Ndaa muna Kristu. Ndizvo ndakatsanduka dzinza. Ndakaereswa. Ndaa Mumwari. Ndakapembedzwa. Ndinopona ndakashinga. Ndakaitirwa nyasha ndiKristu Jesu. Ndizvo ndinotonga zviro zvokupona kuno. Ndinoshandisa simba reMweya Wakachena pakupona kwangu. Ndizvo ndinonyisa zveshe zvendinoshongana nazvo. Kururama kunoonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Varoma 8 ndima 1

2 Vakorinde 5 ndima 21

1 VaKorinte 1:30



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church