Nyika Ngaione Kururama KwaMwari Pouri



Chitatu, 21 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Ngokudaro ngakujeke kujeka kwenyu pamberi pevanhu, kuti vaone mishando yenyu yakanaka, vairikidze Baba enyu ari mudenga." (Mateu 5 ndima 16).

VaFiripi yokutanga ndima yegumi kuguma yegumi naimwe inoronza ngepadera pokururama. Inoti, "Kuti muedze muzie zviri zvakapinda kunaka, kuti muite vakacheneswa vasina ndaa metsa pazuwa raKristu, mwechidzadzwa ngemichero yokururama, iyo iripo kubudikidza ndiye Jesu Kristu, mukukudza nokuirikidza Mwari". Kururama kwaMwari kwakaiswa mumweya wako. Ndikwo kwakakupa simba rokukona kuita zviro zveVamwari. Zviro izvi ndizvo zvinoonesa kuti wakatsanduka dzinza. Ndizvo zvinoonesa kuti waa munhu wengazi yeVamwari. Ndizvo waa kudakarira vanhu. Waa kurarama kupona kwakachena. Waa kuita zviro ngomwazvo. Waa nokunyarara. Waema pagwinyiso.

Waa neMweya Wakachena mwouri. Mweya Wakachena ava vanoita kuti ukone kurarama kupona kwakarurama. Kupona uku kwatoa mungazi yako. Auchatamburiri kuita zvakanaka. Mweya wako waa kunakirwa ngeIzwi raMwari. Ndizvo waa kungoita zviro zvinokudza Mwari. Watodzana nomuchero. Muchero wakhona ungaa mutamba. Muchero uyu unozongobereka matamba. Iwewe waawo muna Kristu. Wakatsanduka dzinza. Waa chisikwa chitsva. ndizvo waa kuita mishando yokururama.

Kune vanhu vanoita zviro zvakanaka. Nyika ingaremeredza hayo vanhu vakadaro. Asi izvozvo azvironzi kuti vanhu ava vakarurama. Munhu unosisira kua wengazi yaMwari. Ndikwo kuti uve wakarurama zvegwinyiso. Hino iwewe wakabarwa kechipiri. Kristu ngavachionekwa pouri. Simba ravo ngarichionekwa pouri. Kururama kwavo ngakuchionekwa pouri. Iwewe wakabarwa ndiMwari. Ndizvo humwari hunosisira kuonekwa mukupona kwako. Hunosisira kuzwikwa mumazwi ounoereketa. Hunosisira kuonekwa mumapinimidziro ako.

Ukaguma pane imweni ndau, zviro zvinosisira kubva zvanaka pandauyo. Runako runosisira kubva rwaonekwa pandauyo. Kupona kwako ngakudzare mishando yokururama. Ndima yetabeura ndiyo yati, "Ngokudaro ngakujeke kujeka kwenyu pamberi pevanhu, kuti vaone mishando yenyu yakanaka, vairikidze Baba enyu ari mudenga". Vanhu ngavaone kururama kwaMwari pouri. Izvi ndizvo zvinotsvakwa ndiMwari.

Mwari vanoda kuti simba ravo rionekwe pouri. Ivo vakakuita umbowo hwokururama kwavo. Ndizvo runako rwavo ngaruonekwe pouri. Rudo rwavo ngaruonekwe pouri. Mazwi ako anosisira kuponesa vanhu. Anosisira kuporesa. Anosisira kufumisa. Anosisira kuonesa kuti unodakarira vanhu. Anosisira kua ekudakara. Anosisira kuunza kunyarara kuvanhu vounoshongana navo. Une kururama kwaMwari mwouri. Vanhu ngavaone kururama uku.

Pupura Weiti

Ndinoita misahndo yokururama yega. Kristu Jesu ndivo vanoita kuti ndikone kuita mishando iyi. Ndizvo Mwari vanokudzwa saMwari. Runako runoonekwa pakupona kwangu. Rudo runoonekwa pakupona kwangu. Ndinoita zviro zvinokudza Mwari Baba. Zvechiita kuti vanhu vaone kuti ndaa Mumwari. Hareruya!

Dzimweni Ndima Dzinotsinhira Kufunda KwaNyamashi:

2 Vakorinde 9 ndima 10

Matiyo 5 ndima 14 kusvika 16

Isaya 61 ndima 3



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church