Chipo ChaMwari KuVanhu Veshe



Chishanu, 23 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Neni ndinozokumbira Baba, naye unozomupa umweni Muembedzeri, kuti agare nemwi nokusikaperi" (Johani 14 ndima 16).

Isusu tinoti Mweya Wakachena chipo. Ndicho chipo chetakapuwa ndiMwari kuSangano reVakacheneswa. Asi chipo ichi achizi kungopuwa kuvakacheneswa vega. Chakapuwa kumunhu weshe. Waiya uchizvizia ere? Izvi ndizvo zvakaronzwa ndiMwari. Tinoerenga mazwi avo muna Joeri yechipiri ndima yemakumi mairi nechisere kuguma makumi mairi nepfumbamwe. Inoti, "Zvino ngesure kweizvi ndinozodurura Mweya wangu padera pevanhu veshe. ... Kunyazwi ngepadera pevamuna nepevakadzi hloko, mumazuwa awo ndinozodurura mweya wangu".

Petro wakagwinyisawo mazwi aya. Izvi ndizvo zvetinoona muna Zvakaitwa yechipiri ndima yegumi nechitanhatu kuguma gumi nechisere. Apa Mweya Wakachena ava vaiya vechizodururwa. Ndima yemakumi matatu nechisere kuguma makumi matatu nechipfumbamwe yakhona inoti, "... Nemwi munozoashira chipo choMweya Wakachena. Ngokuti chigondiso chakagondiswa kwomuri nokuvana venyu nokwavari veshe vari kuretu, veshe avo vaanozodaidza Mambo Mwari wedu". Uri kuona ere izvi? Mweya Wakachena vakapuwa kumunhu weshe. Uyezve vakatodururwa pavanhu VESHE.

Dangani iwewe ausati waashira Mweya Wakachena ava. Ibva wavaashira izvozvi. Asi tanga waisa kupona kwako munyara dzaMambo. Kumbira Mukumbiro weRuponeso. Unowanikwa kunoperera bhuku rino. Kumbira mukumbiro uyu. Ukumbire ngomwoyo wako weshe. Wobva wangoereketa uchiti, "Inini ndinoashira Mweya Wakachena. Ivo vaa kugara mwendiri kubva pazuwa ranyamashi".

Mweya Wakachena avasiri mhepo. Avasiri simba. Avasiri chiro chounongozwa kuhamba hamba munyama yako. Ivo ndiMwari pachezvavo. Ndivo Mwari vanoshanda vari mwetiri. Mambo Jesu ndivo vakatitumira Mweya Wakachena ava. Vakavatuma musi wevakakwira mudenga. Vakavatuma kuti vazogara mwetiri. Vatitungamirire. Vatigwinyise. Vechiita kuti tikone kurarama kupona kweVamwari. Mweya Wakachena ndivo vanoita kuti tikone kurarama kupona kweVamwari. Ndivo vanoita kuti Vhangeri risangoa mazwi zvega. Asi kuti kuve kupona kwetinorarama.

Mweya Wakachena ndivo vanokudetsera kuzwisisa Kristu. Ndivo vanokufundisa Izwi raMwari. Ndivo vanoita kuti urarame kupona kweVamwari. Ivo ndivo simba reVamwari. Mweya Wakachena vanosisira kua mukupona kwako. Izvozvo zvinozoita kuti ukone kunasirisa zviro. Uchizorarama kupona kunopinda kwenyika ino. Kwona kupona kuya kuri muna Kristu. Mweya Wakachena ndivo mudetseri wako. Ndivo mudzidzisi wako. Ndivo mugwinyisi wako. Ndivo shamwari yako.

Ndizvo vakoshese. Vatendere kushanda mukupona kwako. Koshesa mushando wevanoshanda mwouri. Ukoshese kupinda zvimweni zveshe. Dyidzana navo. Unodyidzana navo pounokumbira. Pounokumbira Mwari. Nepaunofungisisa Izwi raMwari. Ngokudaro mazano avo ndiwo anozokutungamirira. Simba ravo ndiro rinozokungwarira. Unhu hwavo huchidzadza kupona kwako. Uchizoonekwa muzviro zveshe zvounoita.

Kumbira Weiti

Baba vendinoda. Ndinomubonga. Mwakandipa chipo cheMweya Wakachena. Mweya Wakachena ava ndivo ticha wangu. Ndivo mutungamiriri wangu. Ndivo vanondionesa kupona kwenyika yenyu. Vechinditungamirira kurarama kupona kweVamwari. Kwona kupona kuya kwokururama. Ndinoshandisa mazano enyu pakupona kwangu. Ndinoshandisa simba renyu pakupona kwangu. Ndizvo ndinonyisa zveshe zvendinoshongana nazvo. Ndinogwinyiswa ngeMweya Wakachena. Ndinotungamirirwa. Kupona kwangu kuchigara kuchivandudzwa ndivo. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Ruka 11 ndima 13

Mabasa 2 ndima 38 kusvika 39

Mabasa 2 ndima 16 kusvika 18



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church