Uri Munhu Akakosha



Muvhuro, 26 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa" (1 Petro 2 ndima 9).

Iwewe ungaa wakabarwa kechipiri. Izvi zvinoronza kuti wakakosha. Waa mambo. Wakatsanduka dzinza. Waa wengazi yaMwari. Ndizvo wasiyana nevanhu vomunyika muno. Aya aasi madimikira. Ndizvo zvewaa zvemene. Hareruya! Waa munhu wedzinza reVamwari. Saka waa kukona kuwanisawo vamweni zvifumiso zvaMwari. Izvi zvinokudetsera kuzwisisa Marako yegumi nechitanhatu ndima yegumi nechinomwe kuguma gumi nechisere. Mambo Jesu ndivo vakaereketa mazwi aya. Vakati, "Neiyi mioniso inozoa naavo vanotenda; ngezina rangu vanozodzinga madhimoni; vanozoereketa ngendimi itsva; vanozobata nyoka, kunyazwi vakamwa chinouraya, achitongozovaremadzi; vanozoisa nyara dzavo padera pevanorwara navo vanozotambiswa".

Ndizvo iwewe wakasiyana nevanhu vomunyika muno. Unotokona kutsandura vanhu dzinza. Uchivaita vengazi yaMwari. Uri chifumiso. Mwari vane zvevakamboereketa kuna Abrahama. Karakadza mazwi akhona. Vakati, "Neni ndinozokufumisa... newe unozoita chifumiso". Tinoerenga mazwi aya muna Genisisi yegumi nemairi ndima yechipiri. Asi mazwi aya aana kungoronzwa kuna Abrahama ega. Aibatawo mwana waAbrahama. Isusu tisu mwana wakhona. Izvi ndizvo zvetinoona muna vaGaratia yetatu ndima yegumi netanhatu. Inoti, "Zvino zvigondiso zvakaitwa kunaAbrahama nokunemubarirwana wake.. ...".

Usazviona semunhuwo hake. Usazviona somunhu anotama. Iwewe uri mambo. Uri mupristizve. Mambo Jesu vakakutsanangura. Vakakutsaura kubva kunyika ino. Izvi ndizvo zvetinoona muna Johani yegumi nechishanu ndima yegumi nechipfumbamwe. Wakasiyana nevanhu vomunyika muno. Mwari vakakutsanangura. Uri pfuma yavo inokosha. Pona somunhu anozia izvi. Ndizvo chibva waronza uchiti, "Inini ndakakosha. Ndiri pfuma yaMwari. Ndakanaka. Ndaa Mumwari". Mwari ngavakudzwe!

Kumbira Weiti

Baba vendinoda. Ndinomubonga. Mwakanditsanangura. Mukanditsaura. Mukandiita pfuma yenyu inokosha. Ndaa mambo. Ndaa munhu wengazi yenyu. Ndakanaka yaamho. Ndaa Mumwari. Ndiri chifumiso kuvanhu vendinoshongana navo. Ndinogumisa zvifumiso zvedenga kwevari. Ndinodetsera vakawanda kurarama kupona kwevakarongerwa ndiMwari. Ndinoshingaira kuita mushando iri. Ndakashinga. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Vagaratiya 3 ndima 29 NKJV

Dheuteronomiyo 7 ndima 6 NIV

Vaefeso 2 ndima 10 AMPC



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church