Wakatsaurwa NdiMwari



China, 29 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Apo techigarira iro gonda rakafumiswa nokuoneka kwouthende hwaMwari wedu mukuru noMuponesi, Jesu Kristu. Ndiye wakadzipira ngendaa yedu kuti atiripire kubva mukushata kweshe nokuti adzichenesere vanhu vaite vake vemene, vanotsamwirira kuita mishando yakanaka" (Thithusi 2 ndima 13 kuguma 14).

Nduyo yezana nemakumi matatu nechishanu ndima yechirongomuna inoronza zvinoshamisa yaamho. Inoti, "Ngokuti Mambo Mwari wakadzitsanangurira Jakobe kuita wake, naIsuraeri kuita pfuma yake". Izvi ndizvo zvewakaitwawo iwewe. Uri pfuma yaMwari. Wakatsanangurwa. Wakaereswa. Wakaitwa wedzinza reVamwari. Mwari vakakutsanangura. Vakaita kuti uve wedzinza reVamwari. Vechitsvaka kukushandisa kuita mishando yavo.

VaEfesu yokutanga ndima yechirongomuna inoti, "Kudai ngezvaakatitsanangura mwaari ngorudo nyika isati yasikwa, kuti tiite vakacheneswa nevasina ndaa pamberi pake". Iwewe chimbopinimidza ngepadera peizvi. Iwewe wakafumiswa yaemho. Ausati waa kutozia kuwanda kwezvifumiso zvako. Saka zvione somunhu akakosha. Koshesa zvewakapuwa ndiMwari. Usazvionera pashi. Usazviona sevanhu vomunyika muno. Mambo ndivo vakaronga kuti uve munhu mukuru.

Akuna zvikunwe zviiri zvakatodzana pashi pano peshe. Akuna vanhu vairi vakatodzana. Hino Mwari vanoda kuonekwa mukupona kwako. Vanoda kuonekwa ngenjira yevasikakoni kuonekwa pakupona kwoumweni munhu. Iwewe wakasiyana nevamweni vanhu veshe. Mwari vakakutsanangura.

Tsamba yokutanga yaPetro chitsauko chechipiri ndima yechipfumbamwe inoti, "Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa".

Simba raMwari riri mukati mwako. Simba iri rinogara rechitutsira. Izwi raMwari ndiro rinoita kuti simba iri ritutsire. Ndizvo ungafunda Izwi raMwari. Nokuti kurizwa. Izwi iri rinenge riri kushanda kwouri. Rechikuvandudza. Rechikuita zvinoitwa ndarama. Rechiita kuti upenye.

Gara mipinimidzo yako iri paIzwi raMwari. Izwi iri ngarigare riri mumipinimidzo yako. Uchiridzeya mumwoyo mwako. Simba raMwari rinozotutsira mwouri. Humwari hwako huchitutsira kuonekwa. Iwewe ukaringira muIzwi iri, unozozviona muIzwi iri. Unozozviona uri munhu wedzinza reVamwari. Izvi ndizvo zvouri zvemene. Ndiwo maonero ounosisira kuzviita iwewe. Unoera. Wakanaka maningi. Wakasukwa. Wakaruramiswa. Hareruya!

Kumbira Weiti

Baba vendinoda. Ndinomubonga. Mwakandiita pfuma yenyu. Ndiri pfuma yenyu inokosha. Ndakatsaurirwa imwimwi. Ndiripo kurarama kupona kweVamwari. Ndechiita mishando yeVamwari. Ndaa muna Kristu. Saka ndakatsanduka dzinza. Ndaa kuera. Ndakanaka maningi. Ndakaruramiswa. Ndiri Mumwari. Ndinogara ndakaringira muIzwi renyu. Izwi iri ndiro rendinoshandisa pakupona kwangu. Ngokudaro runako rwenyu runoonekwa pendiri. Kururama kwenyu kunoonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

VaEfeso 2 ndima 10

Vaefeso 1 ndima 4 AMPC

2 Timoti 1 ndima 9 TPT



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church