Une Zveshe Zvinodiwa



Mugubera, 31 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Simba rake rouMwari rakatipa zviro zveshe zvinotamika mukupona uku, nomukudira kubudikidza ngokuzia uwo wakatidaidza ngouthende hwake nokunaka" (2 Petro 1 ndima 3).

Kururama kwaMwari kuri kushanda mwetiri. Kururama uku kune zvokunoita mukupona kwedu. Zviro zvakhona zvinoshamisa yaamho. Kunoita kuti kupona kwako kupinde munjira yevakakurongera ivo. Kunoita kuti uve nezveshe zvounosisira kua nazvo. Mwari vanosisira kukuitira zviro zvakanaka. Uhwohwo ndihwo hunhu hwavo. Uyezve zvakarurama kuti vakuitire zvakanaka. Saka vanotosisira kukuwanisa zviro zveshe. Vechiita kuti pasawana chounotama. Zvechizoita kuti ukone kuita zveshe zvevakakutuma kuita.

Isusu takapuwa zvifumiso zviri mumweya. Takazvipuwa ZVESHE. Izvo zvifumiso izvi zviri muna Kristu Jesu. Izvozvo zvinowanikwa kumatenga. Ndizvo iwewe wakapuwa zvifumiso zveshe. Apana zvousina. Chimbopinimidza ngezvetaerenga mundima yetabeura ndiyo. Inoti simba raMwari rakatipa zviro zveshe. Zvingaa zviri mumweya. Kana zviri munyika muno. Izvozvo zvinodiwa kuti ukone kuita zvewakatumwa ndiMwari. Uchirarama kupona kwevakakurongera.

Mwari vane kupona kwevakaronga kuti upone. Ngezviri zviro zvinodiwa kuti urarame kupona uku? Iwewe wakatopuwa zviro zveshe izvi. Sathani ungatsvaka hake kuti upinimidze kuti auna zviro zvakhona. Asi iye unonyepa. Ndizvo usatombopinimidza ngezvake. Iwewe ereketa weiti, "Ndinogonda ngeIzwi raMwari pakupona kwangu. Mwari vane zviro zvevanoti ndinazvo. Ndinotenda kuti ndine zviro izvi zvegwinyiso. Mambo Mwari ndivo Muushi wangu. Saka azviiti kuti nditame chimweni chiro. Zviro zveshe ngezvangu".

Aya ndiwo anosisira kunge ari mapinimidziro ako. Une kupona kwewakarongerwa ndiMwari. Pane zvounosisira kua nazvo kuti urarame kupona uku. Zviro zveshe izvi zvinouya kwouri. Mwari vakatoronga kuti zviuye kwouri. Zviro zveshe ngezvako. Izvi ndizvo zvetinoziiswa mutsamba yokutanga kuvaKhorinte chitsauko chechitatu ndima yemakumi mairi naimwe. Tsamba yechipiri kuvaKhorinte chitsauko chechipfumbamwe ndima yesere inoti, "NaMwari unesimba rokuwanza zvipo zveshe, kuti imwimwi mugutswe ngezviro zveshe ngenguwa dzeshe, muwanze kuita mishando yeshe yakanaka". Mwari vakatokupa nyasha idzi. Mwari ngavakudzwe!

Kumbira Weiti

Baba vendinoda. Ndinomubonga. Mwakandipa zveshe zvinodiwa munyika muno. Nezveshe zvinodiwa mumweya. Ndizvo ndine pfuma hurutu. Yona pfuma iya iri muna Kristu. Imwimwi mwakandipa nyasha dzakawanda. Mukandipa zveshe zvinodiwa kuti ndikone kuita mishando yeshe yakanaka. Saka apana chendinotama. Ndinopona somunhu asina chaanotama. Ndechiita mishando yenyu ndakadakara. Ndechiiita ngomwazvo. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

2 Vakorinde 9 ndima 8 (AMPC)

Vaefeso 1 ndima 3

1 Vakorinde 3 ndima 21

(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church